استانادا تىركەلمەگەن تاكسيلەر اۆتوبوز جولاعىنا شىقسا جاۋاپقا تارتىلادى

 استانا. قازاقپارات - كولىك قىزمەتكەرلەرى قاۋىمداستىعىنىڭ ءتوراعاسى مەدەت قۇرمانوۆ جولاۋشىلاردىڭ جەكە تاسىمالىمەن اينالىساتىن جۇرگىزۋشىلەردى «Bus Lane»جولاقتارىنا شىققاندىعى ءۇشىن جاۋاپقا تارتىلاتىنىن ەسكەرتتى، دەپ حابارلايدى قازاقپارات ەلوردا اكىمدىگىنىڭ مەديا ورتالىعىنا سىلتەمە جاساپ.

«ءبىز قازىر رەسمي تىركەلمەگەن تاكسي جۇرگىزۋشىلەرىنىڭ «Bus Lane»ارنايى جول جولاقتارىنا ءجيى شىعىپ كەتەتىنىن بايقاپ وتىرمىز. ولار جازاسىز قالامىز دەپ ەسەپتەيتىن بولار، ءبىراق قىركۇيەك ايىندا فوتو جانە بەينە تىركەيتىن «سەرگەك» جۇيەسى ىسكە قوسىلعاندىعىن ەسكە سالعىم كەلەدى. بۇل جۇيەنىڭ كومەگىمەن ج ج ە- ءىن بۇزۋدىڭ فاكتىلەرى، ونىڭ ىشىندە جەكە تاسىمالمەن اينالىساتىن تاكسي جۇرگىزۋشىلەرىنىڭ «Bus Lane»جولاقتارىنا شىعۋى دا تىركەلىپ وتىرادى» ، - دەپ حابارلادى مەدەت قۇرمانوۆ.

ەلوردانىڭ كولىك قىزمەتكەرلەرى اسسوتسياتسياسىنىڭ ءتوراعاسىنىڭ سوزىنشە، قازىرگى تاڭدا قوعامدىق كولىكتەردەن باسقا «Bus Lane» جولاعىمەن استانانىڭ جولاۋشىلار كولىگى باسقارماسىندا رەسمي تۇردە تىركەلگەن تاسىمالداۋشىلاردىڭ كولىكتەرى جۇرەدى. ال، «Bus Lane» جولاعىنا شىعىپ جەكە تاسىمالداۋمەن اينالىسقاندار اكىمشىلىك جاۋاپكەرشىلىككە تارتىلادى. مۇنىمەن قوسا، رەسمي تۇردە تىركەلگەن تاسىمالداۋشىلاردىڭ سانىن ارتتىرۋعا باعىتتالعان شارالار قولعا الىنۋدا. ەندى «Astana taxi» برەندىمەن تەك تاكسي قىزمەتىن كورسەتۋشى كومپانيالار عانا ەمەس جەكە تاكسي جۇرگىزۋشىلەرى دە جۇمىس ىستەي الادى. «قازىرگى تاڭدا ءبىرىڭعاي تاكسي قىزمەتى جۇيەسىنە تىركەلۋ قيىن ەمەس. ول ءۇشىن تاكسوموتورلى كومپانيالار قاۋىمداستىعىنا حابارلاسۋ قاجەت. كومپانيانىڭ كولىككە قوياتىن تالاپتارى بار. كولىگىڭىزدىڭ ەسكىلىگى 7  جىلدان اسپاۋى كەرەك. ونىڭ ءتۇسى اق بولعانى ءجون. جۇرگىزۋشىگەدە تالاپتار قويىلادى ولار تاربيەلى، جاۋاپتى، ادامگەرشىلىگى مول ازامات بولعانى ابزال» ، - دەپ ايتتى مەدەت قۇرمانوۆ.

 قىزمەتكە رەسمي تۇردە تىركەلگەن جۇرگىزۋشىلەر «Astana taxi» ءدىڭ call-ورتالىقتارى ارقىلى تاپسىرىستاردى قابىلداۋ، «Bus Lane» جولاعىمەن ءجۇرۋ مۇمكىندىكتەرىنەن باسقا رەسمي تاكسي قىزمەتتەرى ەلوردا اۋەجايىنىڭ، ەكى تەمىرجول ۆوكزالىنىڭ اۋماعىنداعى مامانداندىرىلعان اۆتوتۇراقتارعا، استانالىق تاكسيگە ارنالعان ينفراقۇرىلىمداردىڭ شەڭبەرىندە قۇرىلىپ جاتقان باسقا دا قالالىق تۇراقتاردى پايدالانۋ قۇقىعىنا يە بولادى. «جەكە تاسىمالمەن اينالىسىپ جۇرگەن جۇرگىزۋشىلەر «Astana taxi» قىزمەتىنە تىركەلىپ، سونىڭ ارقاسىندا بيۋدجەتكە سالىق تۇسىمدەرى ءوستى. جانە قىزمەت باعاسىنا ءبىرىڭعاي تاريف ەنگىزىپ، ورتالىقتاندىرىلعان call-ورتالىعى قۇرىلىپ، قىزمەت كورسەتۋ ساپاسىن جاقسارتۋ باعىتىنداعى جۇمىستار جالعاسا بەرمەك» ، دەيدى مەدەت قۇرمانوۆ.