ماتچتاعى قاقتىعىستان كەيىن «اۆانگارد» شابۋىلشىسىنىڭ تالاعىن الىپ تاستادى

استانا. قازاقپارات - «بارىسپەن» وتكەن ماتچتاعى قاقتىعىستان كەيىن «اۆانگارد» فورۆاردىنىڭ (ومسك كاسىپقوي حوككەي كلۋبى) تالاعىن الىپ تاستادى، بۇل سەيسەنبى كۇنى ق ح ل ماتچىندا ومبىلىقتار استانا كلۋبىن قابىلداعان كەزدە بولعان.

وپەراتسيا اياقتالعاننان كەيىن فورۆارد نيكولاي لەمتيۋگوۆ جانساقتاۋ بولىمىنە كوشىرىلدى.

«ىشىنەن سوققى الىپ، سونىڭ سالدارىنان نيكولايدىڭ تالاعى جىرتىلىپ كەتكەن»، - دەپ ءتۇسىندىردى «اۆانگارد» پرەزيدەنتى ۆلاديمير شالايەۆ «ر-سپورت»-قا بەرگەن سۇحباتىندا. «تالاعىن(كوكباۋىرىن) الىپ تاستادى، لەمتيۋگوۆ قازىر جانساقتاۋ بولىمىندە، جاعدايى ءبىرقالىپتى. ەرتەڭ تاڭەرتەڭ بارلىعىمىز ول ءۇشىن قان تاپسىرامىز».

ايتا كەتۋ كەرەك، كوكباۋىر - ادام اعزاسىنداعى قۇپياسى اشىلماعان مۇشەلەردىڭ ءبىرى. ەكىنشى اتاۋى - تالاق. سالماعى 100-150 گرامم. ءبىر قىزىعى، ءىشاستار قۋىسىندا ورنالاساتىن كوكباۋىرسىز ادام ءومىر سۇرە بەرەدى.

نيكولاي كەزدەسۋدىڭ ورتاسىندا، ەكىنشى اينالىمنىڭ ونىنشى مينۋتىندا جاراقات العان. ماتچتى جالعاستىرا الماي، كيىم اۋىستىراتىن بولمەگە كەتكەن. وعان حيرۋرگتاردىڭ جەدەل كومەگى قاجەت بولدى.