سينوپتيكتەر سارسەنبى كۇنگى اۋا رايى بولجامىن جاريا ەتتى

استانا. قازاقپارات - «قازگيدرومەت» ر م ك قازاننىڭ 11 نە ارنالعان اۋا رايى بولجامىن جاريا ەتتى، دەپ حابارلايدى قازاقپارات.

قازاقستاننىڭ باسىم بولىگىندە كۇن اشىق بولادى. تەك ەلدىڭ باتىسىندا عانا تۇندە جانە كۇندىز كەيبىر ايماقتاردا جاڭبىر جاۋۋى ىقتيمال. رەسپۋبليكا بويىنشا ەلدىڭ ءبىرقاتار ايماقتارىندا جەل كۇشەيىپ، وڭتۇستىكتە ول شاڭدى داۋىلعا ۇلاسادى.

سولتۇستىك پەن شىعىستا تاڭ اتا تۇمان تۇسەدى. الماتى وبلىسىنىڭ جالاڭاشكول ايماعىندا جەل سەكۋندىنا 20-25 مەترگە دەيىن كۇشەيەدى.

جامبىل، وڭتۇستىك قازاقستان وبلىستارىندا، كۇندىز قاراعاندى وبلىسىنىڭ ءبىرقاتار ايماقتارىندا كۇندىز جەل 15-20 مەتر سەكۋندقا دەيىن كۇشەيەدى.

سولتۇستىك قازاقستان، پاۆلودار، شىعىس قازاقستان وبلىستارىندا تۇندە جانە كۇندىز تۇمان تۇسەدى دەپ كۇتىلۋدە.