قازاقستاندا العاش رەت ۇيلەسپەيتىن دونوردان باۋىر الماستىرىلادى
بۇل تۋرالى ونكولوگيا جانە ترانسپلانتولوگيا ۇلتتىق عىلىمي ورتالىعى باسپا ءسوز قىزمەتى ءمالىم ەتتى، دەپ حابارلايدى قازاقپارات.
«UMC» كورپوراتيۆتىك قورىنىڭ ونكولوگيا جانە ترانسپلانتولوگيا ۇلتتىق عىلىمي ورتالىعىندا وتەتىن شەبەرلىك ساباعى اياسىندا قازاقستاندا العاش رەت قان توبى ۇيلەسپەيتىن دونوردان باۋىر الماستىرۋ وپەراتسياسى جاسالادى. شەبەرلىك ساباعى سەۋل ۇلتتىق ۋنيۆەرسيتەتى گوسپيتالىنىڭ حالىقارالىق دەنساۋلىق ساقتاۋ ورتالىعىنىڭ اتقارۋشى ديرەكتورى كۆانگ ۆۋنگ لي جانە اعزالاردى ترانسپلانتتاۋ ورتالىعىنىڭ دوتسەنتى كۋينگ چۋل يەننىڭ قاتىسۋىمەن وتەدى»، - دەپ اتاپ وتىلگەن باسپا ءسوز قىزمەتى مالىمەتىندە.
ورتالىقتىڭ حابارلاۋىنشا، ءىس- شارا ماقساتى - قان توپتارى ۇيلەسپەيتىن كەزدە تۋىس دونوردان باۋىر ترانسپلانتتاۋ تەحنولوگيالارىن مەڭگەرۋ. وسى ورايدا اتالعان تەحنولوگيالاردى ورىنداۋعا قاجەتتى تەوريالىق ءبىلىمدى جۇيەلەندىرۋ مەن تاجىريبەلىك ماشىقتاردى جەتىلدىرۋگە نازار اۋدارىلادى.
اۆتور: رۋسلان عابباسوۆ
