ۆيدەوشوك: ءيت اياق استىنان ادامشا سويلەپ كەتتى

استانا. قازاقپارات - بوسيا اتتى ءيت ءوزىنىڭ يەسىن «ماما» دەپ اتاي باستاعان.

بوسيا اتتى كىشكەنتاي عانا ءيتتىڭ يەلەرى - ناتاليا جانە لەونيد فەدورەنكو بۇل ءيتتى 11 جىل بۇرىن جانۋارلار ۇيىنەن العانىن ايتادى، دەپ حابارلايدى The Daily Mail.

ناتاليانىڭ ايتۋى بويىنشا كەشكىسىن وتباسىمەن بىرگە تەلەديدار تاماشالاپ وتىرعان ساتتە ادام تىلىنە ۇقساس دىبىستار شىعارا باستاعان. العاشىندا وعان ەشكىم ءمان بەرمەگەن، الايدا ءيت توقتاماي «ماما» دەپ قايتالاي بەرگەن. قازىر ول يەلەرىنىڭ نازارىن وزىنە اۋدارۋ ءۇشىن كۇنىگە «ماما» ءسوزىن قايتالايدى ەكەن.

«وعان «ماما» دەپ ايتقان ۇنايتىن سەكىلدى. ءبىز ونى ارنايى ۇيرەتكەن جوقپىز. بۇنىڭ بارلىعى وزدىگىنەن پايدا بولعان قۇبىلىس»، - دەيدى ءيتتىڭ يەسى.