قىرعىزستانداعى سايلاۋ ناۋقانى باۋىرلاس ەكى ەلدىڭ اراسىنا جىك تۇسىرمەۋى كەرەك - ساعىنتايەۆ
بۇل تۋرالى بۇگىن ۇكىمەتتىڭ سەلەكتورلىق رەجيمدەگى وتىرىسىندا ق ر پرەمەر-ءمينيسترى باقىتجان ساعىنتايەۆ ايتتى، دەپ حابارلايدى قازاقپارات.
ۇكىمەت باسشىسى كەشە قىرعىزستان پرەزيدەنتى المازبەك اتامبايەۆتىڭ سايلاۋالدى ماقساتتا جاساعان جاۋاپسىز، ارانداتۋشىلىق ءماندى جانە كوپە-كورىنەۋ جالعان پايىمىنا قاتىستى مالىمدەمە جاساعاندىعىن، وندا قازاقستاننىڭ تاۋەلسىزدىك جىلدارى ىشىندەگى جەتىستىكتەرىن ناقتى دالەل-دايەكتەرمەن كەلتىرگەندىگىن باسا ايتتى.
«ءبىزدىڭ اتا-بابالارىمىز «قازاق پەن قىرعىز ءبىر تۋعان دەپ، ەكى حالىقتىڭ دوستىعىنا ەرەكشە ءمان بەرگەن. عاسىرلار بويى قالىپتاسقان وسىناۋ دوستىقتى، تۋىستىقتى ءبىز قادىرلەۋىمىز كەرەك. سايلاۋ ناۋقانى وتەدى، كەتەدى. الايدا ول باۋىرلاس ەكى ەلدىڭ اراسىنا جىك تۇسىرمەۋى كەرەك. ءبىزدىڭ ەلباسىمىزدىڭ ۇستانعان ساياساتى دا وسى ەلدىڭ، تۋىسقان حالىقتاردىڭ بىرلىگى. ەرتەڭ دوسقا كۇلكى، دۇشپانعا تابا بولماۋ ءۇشىن عاسىرلاردان جەتكەن ەكى حالىقتىڭ دوستىعىن، بىرلىگىن ساقتايىق. قايتا ونى ساياسي، ەكونوميكالىق جاعىنان ءارى قاراي نىعايتۋ ءۇشىن ءبارىمىز بىرلەسىپ، ءبىر جاعادان باس، ءبىر جەڭنەن قول شىعارىپ جۇمىس ىستەۋىمىز كەرەك»، - دەدى باقىتجان ساعىنتايەۆ.
