09:33, 10 - قازان 2017 | GMT +5
قوستانايدا تابىلعان كۇدىكتى قوراپ جولاۋشىلاردى ابىگەرگە سالدى
قوستاناي. قازاقپارات - قوستاناي وبلىسىندا كۇدىكتى قوراپتىڭ كەسىرىنەن اۆتوبۋس ەكى ساعاتقا توقتاپ تۇرعان، دەپ حابارلايدى قازاقپارات ءتىلشىسى.
بۇل وقيعا تۋرالى كۋاگەرلەر الەۋمەتتىك جەلىلەردە جاريالادى. اقپاراتتى ءى ءى د باسپا ءسوز قىزمەتى راستادى.
«6 -قازان كۇنى «قوستاناي- ەكاتەرينبۋرگ باعىتىنداعى اۆتوبۋس ەكى ساعاتقا كەشىگىپ قوزعالدى. كەشكى ساعات وندا ەر ادام تەلەفون ارقىلى اۆتوۆوكزال اينالاسىندا 30х30 سانتيمەتر قوراپتىڭ جاتقانىن ايتتى»، - دەلىنگەن ءى ءى د باسپا ءسوز قىزمەتى حابارلاماسىندا.
وسى قوڭىراۋ اۆتوبۋستىڭ ءجۇرۋىن توقتاتتى. ءتارتىپ ساقشىلارى قوراپ ىشىندە تورتتىڭ بولعانىن انىقتادى.
