قىرعىزستانداعى پرەزيدەنت سايلاۋى بارلىعىنىڭ بەتپەردەسىن اشتى
مەملەكەتتىك ماراپات تاپسىرۋ سالتاناتى كەزىندە كورشى ەلدىڭ باسشىسى «قازاقستان ۇكىمەتى بىزگە ءوزىنىڭ ۇمىتكەرىن تىقپالاپ وتىر» دەپ مالىمدەدى.
«ولار باكيەۆتى جاقسى كورەدى. باكيەۆتەر ءالى كۇنگە دەيىن قازاقستاندا توي تويلاپ ءجۇر... ويتكەنى ءبىز قازاقستان حالقىنا جامان ۇلگى كورسەتىپ وتىرمىز. نۇرسۇلتان نازاربايەۆ دۇرىس ايتادى، الماتىنىڭ جالپى ىشكى ءونىمى تۇتاس قىرعىزستاننىڭ جالپى ىشكى ونىمىنەن 5 ەسە كوپ، ال قازاقستان ەكونوميكاسى قىرعىزستان ەكونوميكاسىنان 20 ەسە ارتىق. قازاقستاننىڭ ورتاشا جالپى ىشكى ءونىمىنىڭ كورسەتكىشى قىرعىزستانعا قاراعاندا 20 ەسە كوپ. بۇلاي بولاتىن بولسا نەگە قازاقستاننىڭ زەينەتاقىسى قىرعىزستاننىڭ زەينەتاقىسىنان نەبارى ءبىر جارىم ەسە عانا كوپ، نەگە 10 ەسە ەمەس، ال تاريفتەرى نەگە 5 ەسە جوعارى؟ سەبەبى ولار قازاقستاننىڭ بايلىعىن ۇرلاپ جاتىر. ءبىز ولارعا جامان ۇلگى كورسەتىپ وتىرمىز، اتامبايەۆ - ءادىل بيلىكتىڭ جامان ۇلگىسى. بابانوۆ پەن ساريەۆ (ومىربەك بابانوۆ جانە تەمىر ساريەۆ قىرعىزستان رەسپۋبليكاسىنىڭ پرەزيدەنتتىگىنە ۇمىتكەرلەر. - اۆتور ەسك. ) سەكىلدىلەر تاعزىم ەتىپ بارىپ جۇرگەن وتەمۇراتوۆ سياقتى وليگارحتار مەندە بايىماس ەدى. نازاربايەۆ بابانوۆپەن كەزدەسكەندە جاس پرەزيدەنت تۋرالى دۇرىس ايتتى. ءبىراق جاس پرەزيدەنت كىمگە كەرەك؟ بىزگە مە، الدە قازاقستانعا ما؟ مەن نازاربايەۆىڭ جاس پرەزيدەنت بىزگە كەلسىن دەگەن ءسوزىن قولدايمىن. ەگەر ءبىزدىڭ كورشىلەر اقىلعا كەلمەسە، مەن باسقاشا سويلەيتىن بولامىن»، - دەپ قىرعىزستان پرەزيدەنتى اياق استىنان اشۋلاندى.
قىرعىزستان رەسپۋبليكاسىنىڭ باسشىسى ءوزىنىڭ جيىرما مينۋت سويلەگەن سوزىندە «قازاقستاندىق پروبلەماعا» قايتا- قايتا توقتالدى، وسىدان بارىپ ونى الداعى سايلاۋدان گورى وسى ماسەلە قاتتى تولعاندىراتىنى كورىنىپ قالدى. سونداي- اق قىرعىزستان باسشىسى پرەزيدەنتتىككە ۇمىتكەر ومىربەك بابانوۆپەن جانە تەمىر ساريەۆپەن ءوزىنىڭ پرەزيدەنتتىك وكىلەتى بىتكەنگە دەيىن، ياعني 2017 -جىلدىڭ 1 - جەلتوقسانىنا دەيىن «سويلەسەم» دەپ قورقىتتى.
ال قازاقستاننىڭ سىرتقى ساياسي ۆەدومستۆاسى قىرعىزستان پرەزيدەنتىنىڭ ايتقاندارىنا جاۋاپ قايتاردى.
«قازاقستان رەسپۋبليكاسىنىڭ سىرتقى ىستەر مينيسترلىگى قىرعىز ب ا ق- تارىندا تاراتىلعان 2017 -جىلعى 7 - قازانداعى قىرعىز رەسپۋبليكاسىنىڭ پرەزيدەنتى المازبەك اتامبايەۆتىڭ قازاقستان رەسپۋبليكاسىنىڭ باسشىلىعىنا قاتىستى سوزدەرىنە بايلانىستى قاتاڭ نارازىلىق بىلدىرەدى جانە مۇنداي سوزدەرگە ەكى دوستاس مەملەكەتتەر اراسىنداعى قاتىناستاردا جول بەرىلمەۋى ءتيىس دەپ سانايدى. قىرعىزستان پرەزيدەنتىنىڭ سايلاۋالدى ماقساتىنداعى جاۋاپسىز، ارانداتۋشىلىق ماندەگى جانە جالعان پىكىرى ەكى ەل اراسىنداعى دوستىق پەن ءوزارا كومەكتىڭ كوپ عاسىرلى بايلانىسىنا نۇقسان كەلتىرە المايتىنىنا سەنىم بىلدىرەمىز. قازاقستان تاراپى قىرعىز حالقىمەن ءداستۇرلى باۋىرلاستىق قاتىناسىن دامىتۋ جولىنا بەرىك بولىپ قالا بەرەدى»، - دەلىنگەن مالىمدەمە ماتىنىندە.
بۇل جارتى اي ىشىندە قىرعىز رەسپۋبليكاسى مەن قازاقستان اراسىنداعى ەكىنشى قارسىلىق نوتاسى. 20 - قىركۇيەك كۇنى قازاقتان پرەزيدەنتى نۇرسۇلتان نازاربايەۆ اقوردادا قىرعىز ەلىنىڭ پرەزيدەنتتىگىنە ۇمىتكەر ومىربەك بابانوۆتى قابىلداعان بولاتىن. سونداي- اق ءدال وسى كۇنى قازاقستاننىڭ قىرعىزستانداعى ۋاقىتشا سەنىمدى وكىلى كارىبجانوۆ 19 - قىركۇيەكتە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆپەن بولعان كەزدەسۋگە قاتىستى قىرعىزستاننىڭ سىرتقى ىستەر مينيستىرلىگىنە شاقىرىلىپ، وعان قازاقستاندىق تاراپقا قاتىستى قارسىلىق نوتاسى تاپسىرىلعان ەدى. ءبىراق تا ق ر س ءى م پرەزيدەنتتىڭ باسقا ەلدىڭ وكىلدەرىمەن ۇنەمى كەزدەسەتىنىن مالىمدەدى. مىسالى نۇرسۇلتان نازاربايەۆ 14- تامىز كۇنى تاعى باسقا پرەزيدەنتتىككە ۇمىتكەر سوورونباي جەيەنبەكوۆپەن كەزدەسكەن بولاتىن.
بۇعان دەيىن بارلىعى باسقاشا ەدى...
abctv.kz
