كارديولوگتار: جاستار اراسىندا جۇرەك اۋرۋلارى دەندەپ بارادى
سوندىقتان ەۋرازيا اۋماعىنداعى ەلدەر ىشىندە جۇرەك قانتامىرلارى اۋرۋلارى بويىنشا قازاقستان الدىڭعى ورىندا تۇر. «جۇرەكتى ساقتاۋ ءۇشىن قاراپايىم ادامدار دا العاشقى كومەك كورسەتە ءبىلۋى كەرەك»، - دەيدى ماماندار.
ءبىزدىڭ تىلشىلەر ءبىر كۇنگە دارىگەر كەيپىنە ەنىپ، جۇرەك اۋرۋىن ەمدەۋدىڭ جولدارىن كورىپ قايتتى. الەمدە جىل سايىن جۇرەك قانتامىرلارى اۋرۋلارىنان 17 ميلليون ادام كوز جۇمادى ەكەن. بۇل دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى. ال وتاندىق ماماندار دەرتتىڭ سوڭعى 20 جىلدا ەلىمىزدە دە دەندەپ بارا جاتقانىن ايتىپ، دابىل قاقتى. جالپى جۇرەك اۋرۋىنا شالدىقپاس ءۇشىن نە ىستەۋ كەرەك؟
بۇل ساۋالدى سالا ماماندارىنا قويدىق. جاۋاپ الىپ قانا قويماي، ءبىر كۇن بويى دارىگەر ماماندىعىنىڭ العىشارتىن يگەردىك. قازاقستان پرەزيدەنتى ءىس باسقارماسىنىڭ مەديتسينالىق ورتالىعى جۋرناليستەرگە كارديولوگ دارىگەردىڭ ءبىر كۇندىك قىزمەتىن كورسەتتى. ماماندار جالپى جۇرەك قانتامىرلارى اۋرۋلارىنىڭ الدىن الۋدى بۇگە- شىگەسىنە دەيىن ءتۇسىندىرىپ بەردى. كەنەتتەن ەستەن تانىپ قالعان ادامعا جاردەم بەرۋدىڭ جولدارىن كورسەتتى. بۇل ادام كەنەتتەن ءوزىن جايسىز سەزىندى. ءبىرىنشى مەديتسينالىق جاردەم كورسەتەمىز. ءبىرىنشى قوزعاپ، ءبارى جاقسى ما، دەمالىپ جاتىر ما سونى تەكسەرەمىز. جان- جاعىمىزدان كومەك سۇراپ، «103» نومىرىنە حابارلاسۋدى سۇرايمىز. مۇنداي جاعداي كەز كەلگەن ادامنىڭ باسىنان ءوتۋى عاجاپ ەمەس. سوندىقتان بارلىعىمىزعا العاشقى مەديتسينالىق كومەكتى ءبىلۋ ماڭىزدى دەيدى ماماندار.
باۋىرجان باباشيەۆ، ق ر پرەزيدەنتى ءىس باسقارماسى مەديتسينالىق ورتالىعىنىڭ ءبولىم مەڭگەرۋشىسى:
- جۇرەگى كەنەت سىر بەرىپ، ەستەن تانىپ قالعان ادامنىڭ 5 مينۋت ارالىعىندا ميىنىڭ قان اينالىمىن رەتتەۋىمىز قاجەت. سوندىقتان بۇل ەرەجەلەردى تەزدەتىپ، جاساعان دۇرىس. جەدەل جاردەم كەلگەنشە ادامنىڭ تىنىس الۋىن رەتتەۋگە بولادى. بۇل - ەمدەۋدىڭ باستى ءتارتىبى. بۇرىن تەك ەگدە جاستاعى ادامدار عانا جۇرەك دەرتىنە جولىقسا، قازىر جاستار دا بۇل اۋرۋعا كوپ شالدىعا باستاعان. ونىڭ الدىن الۋ ءۇشىن ءبىرقاتار ادەتتەن باس تارتۋعا تۋرا كەلەدى. ياعني سالاۋاتتى ءومىر سالتىن ۇستانعان ءجون.
ءاليا جولداسبەكوۆا، ق ر پرەزيدەنتى ءىس باسقارماسى مەديتسينالىق ورتالىعىنىڭ باس كارديولوگى:
- جۇرەك تۇسىنداعى اۋرۋدى سەزسەڭىزدەر، وعان بەيجاي قاراماڭىزدار. كەيبىر ادامدار ءوز- وزىنە دياگنوز قويىپ الادى. وستەوحوندروز نەمەسە اسقازان اۋرۋى شىعار دەپ سالعىرتتىق تانىتىپ جۇرە بەرەدى. بۇل - ۇلكەن قاتەلىك. سوندىقتان اۋرۋدى سەزگەن بويدا دارىگەردىڭ كومەگىنە جۇگىنىڭىزدەر. مىسالى، امەريكادا نەمەسە ەۋروپادا جۇرەگى سىر بەرگەن ادام جەدەل جاردەم عانا ەمەس، كەز كەلگەن جەدەل قىزمەتتى شاقىرادى. بۇل ءوز دەنساۋلىعىنا دەگەن جاۋاپكەرشىلىك بىلدىرەدى.
ءدال قازىر ءبىز وپەراتسيا بولمەسىنىڭ الدىندا تۇرمىز. مۇندا 68 جاستاعى ەر ادامنىڭ جۇرەگىنە اشىق وپەراتسيا جاساپ جاتىر. بىزگە كىرۋگە رۇقسات جوق. دەگەنمەن وپەراتوردى كىرگىزۋگە مۇمكىندىك الدىق. استاناداعى پرەزيدەنت ءىس باسقارماسى مەديتسينالىق ورتالىعىنىڭ جۇرەك بولىمىندە جىل سايىن 300-دەن استام ءتۇرلى وپەراتسيا جاسالادى. مۇندا ەلىمىزبەن قاتار الىس- جاقىن شەتەلدەن دە دەرتىنە داۋا ىزدەپ كەلەتىندەر بار. ياعني وتاندىق مەديتسينالىق تۋريزمنىڭ تامىرىنا قان جۇگىرگەن. ءتىپتى مۇحيت اسىپ كەلگەن شەتەلدىكتەر قازاقستاندىق دارىگەرلەردىڭ بىلىكتىلىگىنە ءتانتى بولىپ وتىر.
يوللاندە كوت، كونگو دەموكراتيالىق رەسپۋبليكاسىنىڭ ازاماتى:
- مەنىڭ قايىن اتامنىڭ كوپ جىلدار بويى كوزى كورمەي قالعان. ەمدەلۋ ءۇشىن كونگودان وسى اۋرۋحاناعا ارنايى كەلدى. الدىن الا مۇنداعى مامانداردىڭ بىلىكتىلىگىن زەرتتەپ، وزىق تەحنولوگيامەن جۇمىس جاسايتىنىن ءبىلىپ الدىم. الدىمەن جۇرەك قىزمەتىنە كەشەندى تەكسەرۋ جۇرگىزدى. اتامنىڭ كوزىنە كۇردەلى وپەراتسيا جاسالدى. قازىر ءوزىن الدەقايدا جاقسى سەزىنىپ وتىر.
دەسە دە دەندەگەن دەرتكە توتەپ بەرۋ ءۇشىن وتاندىق كارديوحيرۋرگيا سالاسى جالپى قارقىنىن كۇشەيتكەن. سوندىقتان بۇگىندە جۇرەك قانتامىرلارى اۋرۋلارىنان بولاتىن ءولىم- ءجىتىم ءۇش ەسەگە ازايىپتى.
www.24.kz
