ميحايل گۋسمان: مەملەكەتتىك اقپارات اگەنتتىگى ەرەكشە مارتەبەگە يە بولۋى كەرەك

ماسكەۋ. قازاقپارات - سوچيدە جۋىق ارادا ت م د- نىڭ اقپارات اگەنتتىكتەرىنىڭ جەتەكشىلەرىنىڭ كەزدەسۋى وتەدى. وسى جيىن الدىندا «قازاقپارات» ح ا ا ءتىلشىسى ماسكەۋدە رەسەيدىڭ ت ا س س اقپاراتتىق اگەنتتىگى باس ديرەكتورىنىڭ ورىنباسارى ميحايل سولومونوۆيچ گۋسمانمەن اڭگىمە ءوربىتىپ، اقپاراتتىق اگەنتتىكتەردى الاڭداتاتىن باعىتتار بويىنشا ويىن ءبىلدى.
None
None

- قۇرمەتتى ميحايل سولومونوۆيچ، ت ا س س- تىڭ وزگە ەلدەردەگى، سونىڭ ىشىندەگى قازاقستانداعى «قازاقپارات» حالىقارالىق اقپارات اگەنتتىگىمەن ورناتقان بايلانىسىنا قالاي باعا بەرەر ەدىڭىز؟

 - ت ا س س اقپارات اگەنتتىگىنىڭ «قازاقپارات» حالىقارالىق اقپارات اگەنتتىگىمەن تاريحي ءارى بەرىك بايلانىسى بار. قازىرگى «قازاقپارات» ءبىر كەزدەگى كازتاگ- تىڭ مۇراگەرى بولىپ ەسەپتەلەدى. ءبىز ءبىر ەلدە ءومىر ءسۇرىپ جاتقان ۋاقىتتا ت ا س س ۇلكەن اگەنتتىك بولدى دا، ونىڭ قازاقستانداعى بولىمشەسى وتە مىقتى قالىپتاستى. ءيا، قازىر دە «قازاقپاراتتىڭ» جەمىستى ەڭبەگىنىڭ كۋاسى بولىپ وتىرمىز. ءبىزدىڭ بايلانىسىمىز ۇزدىكسىز جالعاسىپ كەلەدى. حالىقارالىق شارالاردا ءجيى كەزدەسىپ، ەكىجاقتى نەگىزدە جۇمىس اتقارىپ، تاجىريبە مەن اقپارات الماسۋدامىز. حالىقارالىق ماسەلەلەر بويىنشا ۇستانىمىمىز ءبىر دەۋگە دە بولادى.

 ءبىز ت م د- نىڭ جەتەكشى اقپارات اگەنتتىكتەرى ەنەتىن ينستيتۋتتا - تاۋەلسىز مەملەكەتتەردىڭ دوستاستىعىنداعى مەملەكەتتىك اقپارات اگەنتتىكتەرى باسشىلارىنىڭ كەڭەسى اياسىندا جۇمىس اتقارامىز. سوندىقتان، مەن باۋىرلاستىق دەپ تە ارتىق ايتقانىم ەمەس، ءارى كاسىبي بايلانىسىمىز نىعايىپ، دامي بەرسىن دەگەن تىلەك بىلدىرگىم كەلەدى. ءلايىم، سولاي بولاتىنىنا سەنىمدىمىن.

 - ت ا س س- تى الداعى ۋاقىتتا قانداي وزگەرىستەر كۇتىپ تۇر؟ اگەنتتىكتىڭ جوسپارى قانداي؟

 - ت ا س س ءۇشىن ماڭىزدى باعىتتاردىڭ ءبىرى - شەت ەلدەردە وكىلدىكتەرىن كوبەيتۋ. اگەنتتىكتىڭ بۇگىنگى تاڭدا شەتەلدە بولىمشەلەرى جەتەرلىك. ءبىز 70 ەلدە جۇمىس اتقارامىز. ءبىراق، بۇل كورسەتىش كەڭەس وداعى كەزىندەگىمەن سالىستىرعاندا ەكى ەسە از. سوندىقتان، الداعى ءبىر- ەكى جىلدا شەتەلدەگى وكىلدىكتەردىڭ سانىن 100-گە دەيىن جەتكىزۋدى جوسپارلاپ وتىرمىز.

 - مەديا- سالاداعى جاڭا تەحنولوگيالارعا ويىسساق. ت ا س س- تا قانداي جاڭا تەحنولوگيالار بار؟ قانداي باعىتتار ەرەكشە دامىپ كەلەدى؟ ۆيدەو كونتەنتتەردى كۇشەيتتىڭىزدەر مە الدە الەۋمەتتىك جەلىدەگى ونىمدەردى قولدانىپ جاتىرسىزدار ما؟ ت ا س س پاراقشالارىندا ونلاين- ت ۆ جاعىنا وزگەرىس ەنگىزىلۋى مۇمكىن بە؟

- مۋلتيمەديالىق دامۋدى قامتاماسىز ەتەتىندىكتەن، ءبىز زامانعا ساي اقپارات اگەنتتىكتەرىنىڭ ترەندىندە بولۋىمىز كەرەك. زاماناۋي تەحنولوگيالار جان- جاقتى باعىت بويىنشا دامۋ ساتىسىندا ماڭىزدى ءرول اتقارادى. سوندىقتان، بىزگە ينتەرنەت الاڭدارمەن اقپاراتتىق تەلەۆيزيالىق باعىتتى دامىتۋىمىز كەرەك. ونسىز بۇگىنگى تاڭدا ەشقايدا بارا المايسىڭ. ت ا س س اگەنتتىگىن دامىتا وتىرىپ، ءبىز الەۋمەتتىك جەلى قولدانۋشىلارىنىڭ بەلسەندىلىگىن باقىلايمىز. الەۋمەتتىك جەلىنىڭ بەلسەندىلىگى اقپارات اگەنتتىگىنىڭ جۇمىسى بولماعاندىقتان، بۇعان وتە ساق ءارى بايقاپ كەلۋ كەرەك. بۇل مۇلدە بولەك سالا. اقپاراتتى بەرە ءبىلۋدىڭ وزىندىك جولىن ءبىلۋ كەرەك. ول پروتسەستى باقىلاي وتىرىپ، بىرلەسە جۇمىس اتقارعان ءجون. سونىمەن بىرگە، ونىڭ جۇمىسىنا بەلگىلى ءبىر فورمادا ارالاسقان ابزال. ءبىراق، قايتالاپ ايتارىم، كلاسسيكالىق ءارى ءداستۇرلى، جۇمىسى قاتاڭ ت ا س س اقپاراتتىق اگەنتتىگى قازىرگى زاماننىڭ الەۋمەتتىك جەلىسىنەن بولەك جۇمىس. سوندىقتان، بۇل تۇرعىدا ءبىر- ءبىرىن شاتاستىرماي، ولشەنگەن قاداممەن جاقىنداعان دۇرىس.

- ت ا س س اقپارات اگەنتتىگىنىڭ الداعى ۋاقىتتا رەسەيلىك ينتەرنەت- ب ا ق كوزدەرىمەن كوممەرتسيالىق دەڭگەيدە باسەكەگە ءتۇسۋ جوسپارى بار ما؟

 - قازىرگى تاڭدا كوممەرتسيالىق نارىقتا مۇنداي باسەكەگە بارۋ تاپسىرماسى كۇن تارتىبىندە تۇرعان جوق. ت ا س س- مەملەكەتتىك اقپارات اگەنتتىگى. شىنىمدى ايتسام، ت ا س س ءۇشىن بىزدەگى بار اقپاراتتاردى ساراپتاپ وتىرسام، ەشقانداي باسەكەلەستى كورىپ تۇرعانىم جوق. ءبىز قالاي دەگەنمەن الەمدىك اقپارات اگەنتتىگىمىز. ال ەگەر بەلگىلى ءبىر سالادا جۇمىستى جەتىلدىرسەك (ونداي جۇمىستار بار)، اقپاراتتىق برەند ءارى اقپاراتتىق ينستيتۋت رەتىندە ت ا س س- قا باسەكەلەس جوق دەپ ايتۋعا بولادى. ءبىز: «ت ا س س حابارلاماعان اقپارات تابيعاتتا بولمايدى» دەپ تەككە ايتپايمىز عوي. بۇل ءبىزدىڭ ۇستانىم. مەنىڭ سىزگە ايتارىم - رەسەيدە ت ا س س- قا تەڭ كەلەردەي بىردە- ءبىر اقپارات اگەنتتىگى جوق.

 - مەملەكەتتىك اقپارات اگەنتتىگى ەرەكشە مارتەبەگە يە بولۋى، وعان مەملەكەتتىك قۇرىلىمدار مەن ورگانداردان ءبىرىنشى كەزەكتە اقپارات بەرىلۋى كەرەك دەپ ەسەپتەيسىز بە؟

- البەتتە. مەملەكەتتىك اقپارات اگەنتتىگى سول ءۇشىن جۇمىس اتقارادى. مەملەكەت سول ءۇشىن دە ءوزىنىڭ ايتۋلى جاڭالىقتارى شىعىپ تۇرۋى ءۇشىن جەكە مەملەكەتتىك اقپارات اگەنتتىگىن ۇستاپ وتىر. بۇل باسەكەلەستىك شارتتارىن بۇزاتىنداي دۇنيە ەمەس. ءوز كەزەگىمىزدە ءبىز مەملەكەت الدىندا اقپاراتتىڭ ناقتىلىعى، شىنايىلىعى مەن ساپاسى ءۇشىن جاۋاپ بەرەمىز. ال وزگە دە اگەنتتىكتەر مەملەكەتتىك ورگانداردان العان اقپاراتتى دابىرايتىپ ايتپاعاندا ءجوندى قولدانا الماۋى مۇمكىن. ءبىز مەملەكەتتىك ينستيتۋتتارمەن بىرلەسە جۇمىس اتقارۋدا ءوزىمىزدىڭ مىندەتىمىزدى بىلەمىز. ءاربىر مەملەكەتتىك ۆەدومستۆودان بارىنشا اقپاراتتى كولەمدىرەك الىپ وتىرعانىمىز ابزال دەپ ەسەپتەيمىز. سوندىقتان، ت ا س س نەمەسە «قازاقپاراتتىڭ» مەملەكەتتىلىگى تۇرعىسىنان كوپ جاعدايعا اسەرىن تيگىزەدى دەپ ويلايمىن.

 - ميحايل سولومونوۆيچ، ت ا س س- تىڭ باسقا دا حالىقارالىق اقپارات اگەنتتىكتەرىمەن، سونىڭ ىشىندە «قازاقپاراتپەن» الداعى بايلانىسى قالاي ءوربيدى دەپ ويلايسىز؟

 - مەن قانداي جاعداي بولماسىن بىرلەسە جۇمىس اتقارا بەرەمىز دەپ ەسەپتەيمىن. ويتكەنى، بۇل ەكى جاققا دا ءتيىمدى، كاسىبي تۇرعىدا باسىمدىق بەرەدى. ءبىز كۇردەلى ءارى اقپاراتتىق قاراما- قايشىلىعى ءورشىپ تۇرعان الەمدە ءومىر ءسۇرىپ جاتىرمىز. رەسەي مەن قازاقستان ستراتەگيالىق تۇرعىدا سەرىكتەس ەلدەر. ىنتىماقتاستىعىمىزدى نۇرسۇلتان ءابىش ۇلى نازاربايەۆ پەن ۆلاديمير ۆلاديميروۆيچ پۋتيننىڭ اراسىنداعى ىزگى قارىم- قاتىناس كۇشەيتە تۇسەدى. بۇل قازاقستان مەن رەسەي اراسىنداعى قارىم- قاتىناستا ەرەكشە فاكتور بولىپ ەسەپتەلەدى. سوندىقتان، ت ا س س پەن «قازاقپاراتتىڭ» سەرىكتەستىگى سول ءبىر دوستىقتىڭ بيىك دەڭگەيىنە جاۋاپ بەرە ءبىلۋى كەرەك.

 - تاۋەلسىز مەملەكەتتەر دوستاستىعى اقپارات اگەنتتىكتەرى باسشىلارىنىڭ كەڭەسىنەن نە كۇتەسىز؟

- تاجىريبە، جاڭا يدەيالار، جوسپارلار. بىزدە بولىسەتىن دۇنيە كوپ. بۇنىڭ بارلىعى ءارقاشان ماڭىزىن جويمايدى. بۇعان قوسا كەزدەسۋلەر ءجيى ۇيىمداستىرىلىپ، پايداسىن بارلىعىمىزعا تيگىزۋى كەرەك. مەنىڭشە، الداعى اقپاراتتىق كەڭەس تابىستى بولادى.

 - سۇحبات بەرگەنىڭىز ءۇشىن راحمەت، ميحايل سولومونوۆيچ!

 اۋدارما: ايان بەكەن ۇلى

سوڭعى جاڭالىقتار