قازاقستاندا جۇرگەن تۇركيا ازاماتتارى قۋدالاۋعا ۇشىراعان ەمەس
دەپ حابارلايدى قازاقپارات.
«سوڭعى ۋاقىتتا اقپارات كەڭىستىگىندە قازاقستاندا جۇرگەن تۇركيا ازاماتتارىنىڭ پروبلەماسى تۋرالى جاريالانىمدار جارىق كورۋدە. الەۋمەتتىك جەلى قولدانۋشىلارى ولاردىڭ قۇقىق قورعاۋ ورگاندارى تارابىنان قۋدالاۋعا ۇشىراعاندىعى جايىندا دا ءجيى اتاپ وتۋدە. ەلىمىزدە شەتەلدىكتەردىڭ كەلۋىنە قاتىستى بارلىق ماسەلەلەر قۇقىق الاڭ اياسىندا قاراستىرىلاتىندىعىن اتاپ وتكىم كەلەدى. قازىرگى ۋاقىتتا تۇركيامەن 30 كۇنگە دەيىن ۆيزاسىز بولۋ رەجىمى قولدانىستا»، - دەدى ول.
وسى ورايدا الماس سادۋبايەۆ بۇكىل الەمدەگىدەي قازاقستان ۆيزاسى قولدانىستاعى ءتولقۇجات بولعاندا عانا ۇزارتىلاتىندىعىن اتاپ ءوتتى.
«قازاقستاندا تۇراقتى تۇراتىن شەتەلدىك مارتەبەسىن، سونداي- اق ازاماتتىقتى الۋ ءۇشىن ول ازاماتى بولىپ سانالاتىن ەلدىڭ جازباشا كەلىسىمى جانە سول ەلدەن سوتتالماعاندىعى تۋرالى قۇجاتى قاجەت. بۇعان قوسا، تۇركيا ازاماتتارى بوسقىن مارتەبەسىن الۋ ءۇشىن قولداۋحات تا بەرە الادى. قازىرگى ۋاقىتتا قازاقستاندا تۇركيانىڭ 24 مىڭنان استام ازاماتتى تۇراقتى تۇرىپ جاتىر»، - دەدى دەپارتامەنت باسشىسى.
اۆتور: مارلان جيەمباي
