داۋرەن ابايەۆ سيفرلاندىرۋدى قاراپايىم مىسالدارمەن ءتۇسىندىردى
«ەل ەكونوميكاسىن سيفرلاندىرۋدىڭ اۋقىمى كەڭ. مىنا ءبىر نارسەنى ەلەستەتىپ كورىڭىزشى، قازىرگى ايىپپۇلداردى ەكى ساعاتتا ەمەس، ءتورت-اق كليك باسۋ ارقىلى راسىمدەيتىن بولادى. بۇگىندە ونداي جوبا بار. ادام ءوزىنىڭ جەكە سايكەستەندىرۋ ءنومىرىن كورسەتەدى دە، ايىپپۇلدىڭ ەلەكتروندى حاتتاماسى ءبىرىڭعاي بازاعا جىبەرىلەدى. سوسىن بالا تۋعاندا ونىڭ قاي بالاباقشاعا، قاي مەكتەپكە باراتىنى بىردەن انىقتالاتىن بولادى. مەملەكەتتىڭ جاردەماقى، بالاباقشا كەزەگى - ءبارى-ءبارى ءاپ-ساتتە جاسالادى. ءتىپتى، پەرزەنتحانادان شىقپاي-اق، بالانىڭ اتىن SMS- پەن جىبەرىپ، جەكە قۇجاتتاردى دا راسىمدەۋگە بولادى. الداعى ۋاقىتتا وسىنداي قىزمەت تە ەنگىزىلەدى»، - دەيدى ابايەۆ.
ءمينيستردىڭ ايتۋىنشا، بولاشاقتا ساپالى عالامتوردى پايدالانۋ جاعىنان قالا مەن اۋىلدىڭ دەڭگەيى تەڭ بولۋى قاجەت. ونسىز بارلىعى بىردەي ەلەكتروندىق قىزمەتتەردى قولدانا المايدى. وسىعان بايلانىستى «سيفرلى قازاقستان» مەملەكەتتىك باعدارلاماسى اياسىندا 2021-جىلعا دەيىن تاعى 2 ميلليون ادامدى كەڭ جولاقتى ينتەرنەتپەن قامتۋ جوسپارلانعان.
ايتا كەتەيىك، كەشە ەلورداداعى «قازمەديا» ورتالىعىندا «Astana Media Week» اپتالىعى باستالدى.
بۇگىنگى «Astana Digital Forum» دا اتالعان شارانىڭ اياسىندا ءوتىپ وتىر. فورۋمدا سيفرلىق ماركەتينگ، كوممۋنيكاتسيالار سالاسىنداعى تىڭ جوبالار، مەسسەندجەرلەر مەن چات-بوتتار، Telegram ارقىلى تابىس تابۋ كوزدەرى، قازاقستانداعى كريپتوۆاليۋتالار نارىعىنىڭ دامۋى، ەلەكتروندى ب ا ق، الەۋمەتتىك جەلىلەر مەن بلوگەرلەر، ينتەرنەتتە بيزنەس اشۋ جولدارى جانە تاعى باسقا وزەكتى ماسەلەلەر تالقىعا سالىنادى.
اۆتور: ارمان اسقاروۆ
