10:46, 05 - قازان 2017 | GMT +5
جاس ءوسپىرىم دوستارىنىڭ كوڭىلىن كوتەرۋ ءۇشىن قاڭعىباستى ۇرىپ ءولتىردى - كەسكىن
استانا. قازاقپارات - انگليانىڭ بلەكپۋل قالاسىنىڭ 16 جاستاعى تۇرعىنى كوننور ستيۋارت دوستارىنىڭ كوڭىلىن كوتەرۋ ءۇشىن الدارىنان كەزدەيسوق شىققان قاڭعىباس مايكل روۋدستى ۇرىپ ءولتىردى، دەپ جازادى Daily Mail.
وقيعانىڭ ۆيدەوسى الەۋمەتتىك جەلىدە تاراپ كەتتى. جاسوسپىرىمدەردىڭ وزدەرى تۇسىرگەن ۆيدەودان ءۇي- كۇيسىز جۇرگەن ادامنىڭ جاستارمەن قاقتىعىسقا بارۋدى قالاماي تۇرعانى اشىق كورىنەدى. مايكل روۋدستى ارقا قاراي شەگىنبەك بولعاندا كوننور باسىنان ۇرادى.
كادر ارتىنان: «قان اعىپ جاتىر، ونى ءولتىردىڭ!» دەگەن داۋىستار ەستىلەدى.
باسىلىم تاراتقان مالىمەتتەرگە قاراعاندا، وقيعا سوڭىندا باسى جارىلىپ، ميىنا قان قۇيىلعان مايكل روۋدس اۋرۋحاناعا جەتكىزىلگەن. ءبىراق ول ءۇش كۇننەن سوڭ جۇمعان.
ەسسىز ارەكەتكە بارعان جاسوسپىرىمدەر وقيعا ورنىنان قاشىپ كەتكەن. كەيىن ولاردى قۇقىق قورعاۋ ورگاندارى ۇستادى.
سوتتا كوننور ستيۋارت قاڭعىباستى ءوزىن قورعاۋ ءۇشىن ۇرعانىن ايتىپ اقتالعان. الايدا ونى دالەلدەي المادى. وعان 3 جىلعا باس بوستاندىعىنان ايىرۋ جازاسى تاعايىندالدى.
