انشىلەردىڭ تەلە ەكراندا باعدارلاما جۇرگىزۋىنە كىم سەبەپكەر
دەپ حابارلايدى قازاقپارات.
ايتا كەتەرلىگى، شاراعا قاتىسۋشىلاردىڭ ءبىرى اينۇر كوپباساروۆادان قازىرگى ۋاقىتتا تەلەارناداعى باعدارلاما جۇرگىزۋشىلەرىنىڭ ورنىن ونەر ادامدارىنىڭ الماستىرىپ جاتقاندىعىنا قاتىستى پىكىرىن سۇراعان ەدى.
«شىنىمدى ايتسام سول انشىلەردىڭ، ونەر ادامدارىنىڭ باعدارلاما جۇرگىزۋىنە سەبەپشى بولعان، سوعان جول بەرگەن ادامداردىڭ ءبىرىمىن. ويتكەنى، 2011 -جىلى «تاڭ قالماڭىز» دەگەن باعدارلامامىز بولعان. ال سول كەزدەرى قازاقشا باعدارلاماعا اقشا تابۋ وتە قيىن ەدى. سوعان قاراماستان ءبىز «تاڭ قالماڭىزعا» دەمەۋشى تاۋىپ، شىن مانىندە زامانعا ساي، رەيتينگى جوعارى باعدارلاما جاسادىق. ال سول رەيتينگتى كوتەرۋ ءۇشىن ەڭ ءبىرىنشى بولىپ انشىلەردى، اكتەرلەردى جۇرگىزۋشىلىككە شاقىرعان ەدىك»، - دەدى ول.
ونىڭ پايىمىنشا، ەگەر دە ءانشىنىڭ، ونەر ادامىنىڭ، اكتەردىڭ ايتار ويى، كورسەتەر باعدارى بولسا، سول باعدارلامادا ءىزى انىق قالاتىن بولسا، وندا ولارعا جۇرگىزۋگە مۇمكىندىك بەرگەن ءجون.
«ءبىراق، كەيىنگى كەزدە ءبىزدىڭ كوپتەگەن باعدارلامالارىمىزدى جۇرگىزۋگە جۋرناليستەرگە قاراعاندا ءانشى، اكتەرلەر كوپ شىعۋدا. ونى دۇرىس ەمەس دەپ ايتا المايمىن. سەبەبى ءىزاشارلارىنىڭ ءبىرى بولدىق. دۇرىس دەپ تە ايتا المايمىن. ويتكەنى، كەيىنگى كەزدە شىنىمەن دە ول دۇنيە بار.. . جالپى، ءبارى جۋرناليستەردىڭ قولىندا. ولار كەرەمەت باعدارلاما جاساپ، كوگىلدىر ەكران ارقىلى ادامعا وي سالارلىق دۇنيە جاسار بولسا، وعان ەشكىم دە قوي دەپ جاتقان جوق»، - دەدى اينۇر كوپجاساروۆا.
شارا بارىسىندا سەرىك اقىشيەۆ، ءلايلا سۇلتان قىزى، ميحايل دوروفەيەۆ سىندى ەلىمىزگە ەسىمى بەلگىلى جۋرناليستەر جەتىستىككە جەتۋ جولدارىمەن ءبولىستى.
ەستەرىڭىزگە سالا كەتسەك، Astana Media Week اتتى مەديا- اپتالىق ءبىرىنشى رەت وتكىزىلۋدە. اپتالىقتىڭ باستى ماقساتى - مەديا نارىعىنا قاتىسۋشىلاردىڭ باسىن بىرىكتىرىپ، ورتاق ءبىر الاڭدا جيناۋ، وزەكتى ورتاق ماسەلەلەردى تالقىلاپ، ولاردى شەشۋ جولدارىن ۇسىنۋ. شارا نەگىزىنەن ءۇش كۇننىڭ ىشىندە وتەدى. ءبىرىنشى كۇن «كونتەنت- ماركەت» دەپ اتالدى. شارانىڭ ەكىنشى كۇنىندە ەلەكتروندى ينتەرنەت- باسىلىمداردىڭ جاي- كۇي تالقىعا ءتۇسىپ، قازىرگى كۇننىڭ وزەكتى تەندەنسيالارى - ەلەكتروندى ساۋدا، كريپتو ۆاليۋتاعا كوشۋ سىندى ماسەلەلەر كوتەرىلەدى. ال ءۇشىنشى كۇنى «وڭىرلىك ب ا ق» فورۋمى ءوتىپ، باسپا، ب ا ق- تىڭ جاي- كۇيى، وزەكتى ماسەلەلەرى، ولاردى ساقتاپ قالۋ، ايماقتىق دەڭگەيدەگى ماسەلەلەردى كوتەرۋ، ب ا ق سالاسىنداعى زاڭنامالار، وزگەرىستەر، جۋرناليستيكا ادەبى سىندى ماسەلەلەر قوزعالادى. سونىمەن قاتار وسى ءىس- شارانىڭ اياسىندا قازاقستان باسپا ءسوز كلۋبىنىڭ ۇيىمداستىرۋىمەن «RP كۇنى» ۇيىمداستىرىلادى.
اۆتور: مارلان جيەمباي
