تاڭعاجايىپ تۇزكول

 استانا. قازاقپارات - الماتى وبلىسىنىڭ تاۋلى ايماقتارىندا كوزدىڭ جاۋىن الاتىن كول كوپ. الايدا سۇلۋلىعىن بەتىندە قالقىتقان تۇزكولدەي تاماشا توعان جالعىز.

اسپانعا نايزاداي شانشىلعان شىڭدار سۋ بەتىندە ادام سۇيسىنەرلىك بوياۋمەن قۇبىلعانىن كورگىڭىز كەلسە، ەش ويلانباستان تۇزكولگە كەلىڭىز.

كول رايىمبەك اۋدانىنداعى كەگەن وزەنىنىڭ سول جاعالاۋىندا، قاراساز اۋىلىنان شىعىسقا قاراي 12-14 شاقىرىم جەردە ورنالاسقان. اشۋى دا، تاسۋى دا جوق كول تەڭىز دەڭگەيىنەن 1951 مەتر بيىكتە جاتىر.

تۇزكولدىڭ اشىلىعى سونداي، ونى يزرايلدەگى ءولى تەڭىز بەن ا ق ش- تاعى ۇلكەن تۇزدى كولمەن سالىستىرۋعا بولادى. كەگەن ويپاتىندا جاتقان كولگە سول ماڭداعى قار سۋىنان ەرىگەن بۇلاقتار قۇيادى. ولاردىڭ كوبى وتە اشى بولعاندىقتان، تۇيىق كولدىڭ سۋى دا اشى.

كولدىڭ تەرەڭدىگى 1 مەتردەن اسپاعانىمەن، سۋعا ءتۇسۋ وتە قيىن. ويتكەنى ءتۇبى - لاي- باتپاق. تۇزى كوپ بولعاندىقتان، كول سۋى قويۋ تارتقان. قاتتى جەل تۇرسا دا كول بەتىندە تولقىن پايدا بولمايدى. تەك بەتى عانا جىبەكتەي جەلپىپ، سونىڭ اسەرىنەن كول بەتى كۇمىستەي جالتىراپ جاتادى.

«ايقىن گازەتى»