14:57, 04 - قازان 2017 | GMT +5
مەملەكەت باسشىسى نۇرسۇلتان نازاربايەۆ اقتوبەگە كەلدى
اقتوبە. قازاقپارات - مەملەكەت باسشىسى نۇرسۇلتان نازاربايەۆ اقتوبەگە جۇمىس ساپارىمەن كەلدى، دەپ حابارلايدى قازاقپارات ءتىلشىسى.
ەلباسى ساپار بارىسىندا اقتوبە فەرروقورىتپا زاۋىتىنىڭ، اقتوبە رەلس- ارقالىق زاۋىتىنىڭ جۇمىسىمەن تانىسادى. ايتا كەتەيىك، فەرروقورىتپا زاۋىتىنىڭ №4 سەحى 2014 -جىلى ىسكە قوسىلدى. زاماناۋي ءوندىرىس ورنى زاۋىتتىڭ قۋاتتىلىعىن ارتتىرتۋعا باعاتتالدى. ال اقتوبە رەلس- ارقالىق زاۋىتىنان شىعارىلىپ جاتقان ءونىم «نۇرلى جول» باعدارلاماسىمەن ىسكە اسىرىلىپ جاتقان جوبالارعا كەڭ قولدانىلىپ جاتىر.
استاناداعى جاڭا ۆوكزالدىڭ رەلسى دە اقتوبە زاۋىتىنان شىعارىلعان. ساپار بارىسىندا مەملەكەتتىك- جەكەمەنشىك سەرىكتەستىك اياسىندا سالىنعان جۇبانوۆتار الەمى ورتالىعى، ونەر ورتالىعى، شىعارماشىلىق اكادەمياسى، جەكپە- جەك سارايى اشىلىپ، «نۇرلى جەر» باعدارلاماسىمەن سالىنعان پاتەرلەر قولدانىسقا بەرىلەدى دەپ كۇتىلۋدە.
اۆتور: التىناي ساعىندىقوۆا
