اۋا رايى: قازگيدرومەت ءۇش وبلىستا ەسكەرتۋ جاريالادى

استانا. قازاقپارات - «قازگيدرومەت» ر م ك 4-5 -قازان كۇندەرى كۇن رايىنىڭ بۇزىلۋىنا بايلانىستى ەلىمىزدىڭ ءۇش وبلىسىندا ەسكەرتۋ جاريالادى، دەپ حابارلايدى قازاقپارات.

4-5 -قازان كۇندەرى تۇندە قىزىلوردا وبلىسىنىڭ كەي جەرلەرىندە اۋا تەمپەراتۋراسى -3 گرادۋسقا دەيىن تومەندەيدى. 4 -قازاندا باتىستان، سولتۇستىك- باتىستان سوعاتىن 15-20 م/س ەكپىندەگى جەل ساقتالادى.

4 -قازان كۇنى قوستاناي وبلىسىنىڭ كەي جەرلەرىندە تۇمان بولىپ، 15-20 م/س جىلدامدىقتا جەل كۇتىلەدى.

4-5 -قازان كۇندەرى تۇندە وڭتۇستىك قازاقستان وبلىسىندا جاۋىن-شاشىن بولادى. تاۋلى ايماقتاردا قاتتى جاۋاتىن جاۋىننىڭ سوڭى قارعا اۋىسادى. سولتۇستىك- شىعىستان سوققان جەلدىڭ كۇشى كەي جەرلەردە 15-20 م/س- قا جەتەدى. اۋا تەمپەراتۋراسى كەي جەرلەردە -3 گرادۋسقا دەيىن تومەندەيدى. دابىلدى ەسكەرتۋدىڭ ىقتيمالدىلىعى %90-95.