ميدىڭ ءسىز بەلمەيتىن قىزمەتتەرى

 استانا. قازاقپارات - ادام ميى - زەرتتەلىپ ۇلگەرمەگەن جۇمباق اعزا. عالىمداردىڭ وزدەرى ميدىڭ تولىق زەرتتەلۋى ءۇشىن ءالى بىرنەشە ونداعان جىلدار ءوتۋ كەرەك دەيدى.

ميىمىزدىڭ اتقاراتىن قىزمەتتەرى كوپ. زەرتتەلىپ ۇلگەرگەن مىنا قىزمەتتەردى سىزدەرگە ۇسىنامىز: • زەيىن؛ • ەستە ساقتاۋ قابىلەتى؛ • ويلانۋ؛ • بەلگىلى ءبىر باعىتتا جۇمىس جاساۋ؛ • جاعىمدى جانە جاعىمسىز ەموتسيالاردى سىرتقا شىعارۋ؛ • جوسپارلاۋ؛ ميدىڭ نەگىزگى ەرەكشەلىگى -  ويلاۋ قىزمەتىن اتقارۋىندا. مي قىزمەتتەرىن ونىڭ جىكتەلۋىنە سايكەس قاراستىرادى:

 1. ميدىڭ قىزمەتىنە سايكەس لاتەراليزاتسيا دەپ اتالاتىن جارتى شارلارعا جىكتەلەدى. مي فيزيكالىق تۇرعىدان ەكى جارتى شارعا بولىنگەن. ولاردىڭ سىرتقى بەينەسى ۇقساس بولعانىمەن، ءارتۇرلى قىزمەت اتقارادى ءارى ءتۇرلى بەلسەندى ۇردىستەرگە جاۋاپ بەرەدى. ادامداردىڭ ساناسىندا قالىپتاسقان تۇسىنىك بويىنشا وڭ جارتى شارى دامىعان ادام شىعارماشىلىققا جاقىن بولادى. دەگەنمەن، بۇل دەرەك ءالى كۇنگە دەيىن دالەلدەنبەگەن.

 2. مي قىزمەتتەرىن ونىڭ بولىگىنە سايكەس جىكتەۋگە بولادى. مي تۇتاس ءبىر اعزا بولعانىمەن، ونىڭ ءار بولىگى ءار ءتۇرلى قىزمەتكە جاۋاپتى. وڭ جارتى شار وڭ جارتى شاردىڭ ارقاسىندا ءسىز قيالداۋ ارقىلى ا ايماعىنان ب ايماعىنا دەيىن ەركىن سەرۋەندەي الاسىز. ونىڭ اتقاراتىن قىزمەتتەرى مىنانداي: • كەڭىستىك باعدارلاۋ. وڭ جارتى شاردىڭ كومەگىمەن ءسىز ءوزىڭىزدىڭ تۇرعان ايماعىڭىزدى باعدارلاي الاسىز. ءوزىڭىزدىڭ ويىڭىزدا كارتا سىزۋعا مۇمكىندىگىڭىز بولادى.

 • ءسوزسىز، ءىس- قيمىل ارقىلى بەرىلگەن اقپاراتتى وڭدەۋ. سيمۆولدار، بولىكتەر مەن ءتۇرلى قيمىلداردى قابىلداپ، ولاردى ءوز قاجەتىمىزگە جاراتا الامىز.

مەتافورا. ءبىز مەتافورا، تۇراقتى تىركەس، اۋىسپالى سوزدەردى ەستىگەن كەزدە سول كۇيىندە قابىلدامايمىز. مىنە، سول قىزمەتتى وڭ جارتى شار اتقارادى.

 • اۋەن. تىڭداۋ ءارى ونى رۋحاني ازىققا اينالدىرۋ قابىلەتىن ميدىڭ ەكى جارتى شارى دا اتقارادى.

 • ەموتسيا. اۋەن سەكىلدى بۇل قىزمەتكە دە ەكى جارتى شار جاۋاپ بەرەدى. دەگەنمەن، وڭ جارتى شاردىڭ ۇلەسى كوبىرەك.

 • قيال. كەز كەلگەن قيال الەمىنە «ەگەر.. .» دەگەن سوزدەن سوڭ ەنەمىز. بۇل ءسوزدى ەستىگەن بويدا نەمەسە ويعا العان ساتتە ميىڭىزدى وڭ جارتى شارى بەلسەندى تۇردە ىسكە كىرىسەدى.
ارمان. ارمانداي باستاعان ساتىڭىزدە ميىڭىزدىڭ وڭ بولىگى ۇزدىكسىز جۇمىس جاسايتىنىن ۇمىتپاڭىز.
دەنەنىڭ سول بولىگىن باسقارۋ. ءبىز سول قولىمىز بەن اياعىمىزدى قيمىلداتقان ساتتە ءبىزدىڭ وڭ جارتى شارىمىز جاقسى جۇمىس جاسايدى. امبيدەكستريا دەپ اتالاتىن ارنايى جاتتىعۋلار ەكى مي شارىنىڭ جۇمىسىن جەدەلدەتۋگە ارنالعان. بۇل كەزدە ادام ەكى قولىمەن دە ءبىر ۋاقىتتا جازىپ، سىزا الادى.

 سول جارتى شار • ادامنىڭ لوگيكالىق، عىلىمي جانە قالىپتى ويلاۋىنا جاۋاپتى ميدىڭ ماڭىزدى بولىگى. سول جارتى شار ءتىلدىڭ قابىلەتتەرىنە -  جازۋ، سىزۋ مەن وقۋعا جاۋاپتى. سونىمەن قاتار، كۇن اتاۋلارىن، ۋاقىتتى، دەرەكتەر مەن ادام ەسىمدەرىن جاتتاپ الۋدا سەپتىگىن تيگىزەدى.

 • ماتەماتيكالىق قابىلەت. لوگيكا، ساراپتاما، ستاتيستيكا جانە ماتەماتيكالىق ماسەلەلەردىڭ شەشىمىن وڭاي تاباتىن بولساڭىز ميىڭىزدىڭ سول جارتى شارى جاقسى جۇمىس جاسايدى.

 • ءسوزدى سول قالپىندا قابىلداۋ. مەتافورالاردى تۇسىنۋدە قيىندىق تۋىپ جاتسا، دەمەك، وڭ جارتى شارىڭىزدى دامىتۋ كەرەك.

 • دەنەنىڭ وڭ بولىگىن باسقارۋ. وڭ قولىڭىزدى ءجيى كوتەرىپ، قالامدى وڭ قولىڭىزعا ۇستاساڭىز، ءدال قازىرگى ساتتە ميدىڭ سول جارتى شارى جۇمىس جاساپ جاتىر.

 • اقپاراتتى جۇيەلى وڭدەۋ. ەگەر اقپاراتتى قابىلداۋ بارىسىندا ءبىر قادامدى جىبەرىپ الساق، بۇل بۇرىس شەشىمگە اكەلۋى مۇمكىن.

Massaget.kz