قازاقستان پرەزيدەنتى دونالد ترامپقا كوڭىل ايتۋ جەدەلحاتىن جولدادى

استانا. قازاقپارات - قازاقستان پرەزيدەنتى امەريكا قۇراما شتاتتارىنىڭ پرەزيدەنتى دونالد ترامپقا كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى نۇرسۇلتان نازاربايەۆ لاس-ۆەگاس قالاسىندا بولعان اتىس سالدارىنان كوپتەگەن ادامنىڭ قازاعا ۇشىراعانى جانە زارداپ شەككەنى تۋرالى حاباردى زور كۇيزەلىسپەن قابىلدادى.

«ءبىز وسىناۋ سىن ساعاتتاردا ا ق ش حالقىمەن بىرگە ەكەنىمىزدى جەتكىزگىم كەلەدى. جەكە ءوزىمنىڭ جانە بارشا قازاقستان حالقىنىڭ اتىنان قازا بولعانداردىڭ تۋىستارى مەن جاقىندارىنا، سونداي-اق دوستاس امەريكا قۇراما شتاتتارىنىڭ حالقىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، - دەلىنگەن جەدەلحاتتا.