قايرات ءابدىراحمانوۆ ەلباسىنا ب ۇ ۇ ب ا سەسسياسىنا قاتىسۋى جونىندە باياندادى
مەملەكەت باسشىسىنا قازاقستاننىڭ حالىقارالىق ۇيىمدارداعى قىزمەتى تۋرالى مالىمدەلىپ، ءبىرقاتار حالىقارالىق ءىس-شارالاردى وتكىزۋ قورىتىندىسى جونىندە ەسەپ بەرىلدى.
سىرتقى ىستەر ءمينيسترى ەلباسىنا ب ۇ ۇ باس اسسامبلەياسىنىڭ 72-سەسسياسىنا قاتىسۋىنىڭ ناتيجەلەرى جونىندە بايانداپ، ب ۇ ۇ قاۋىپسىزدىك كەڭەسىندە ءتوراعالىق ەتۋىمىزدىڭ نەگىزگى باسىمدىقتارى تۋرالى ايتتى.
سونداي-اق، سىرتقى ىستەر ءمينيسترى نۇرسۇلتان نازاربايەۆقا قازاقستاننىڭ ازياداعى ءوزارا ءىس-قيمىل جانە سەنىم شارالارى كەڭەسىندەگى ىنتىماقتاستىعىنىڭ نەگىزگى باعىتتارىنا توقتالىپ، وسى ۇيىمعا مۇشە ەلدەردىڭ بارلىعى قازاقستان پرەزيدەنتىنىڭ سيرياداعى قاقتىعىستى رەتتەۋگە باعىتتالعان بىتىمگەرلىك باستاماسىنا وڭ باعا بەرىپ وتىرعانىن اتاپ ءوتتى.
بۇدان بولەك، قايرات ءابدىراحمانوۆ يسلام ىنتىماقتاستىعى ۇيىمى ەلدەرىنىڭ سىرتقى ىستەر مينيسترلەرى بيىلعى قىركۇيەكتە استانادا وتكەن وسى ۇيىمنىڭ عىلىم جانە تەحنولوگيالار جونىندەگى ءسامميتىنىڭ ناتيجەلەرىن جوعارى باعالايتىنىن ەرەكشە اتاپ ءوتتى.
كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.
