اقىلى تۇراقتان تۇسەتىن اقشا قايدا كەتەدى - اكىمدىك جاۋابى

الماتى. قازاقپارات - الماتى اكىمدىگىنىڭ وكىلدەرى اقىلى تۇراقتان تۇسەتىن اقشا قايدا كەتەتىنىن ايتتى، دەپ حابارلايدى قازاقپارات ءتىلشىسى.

قالالىق كولىك جانە اۆتوموبيل جولدارى باسقارماسىنىڭ باسشىسى ماقسۇت يساحوۆتىڭ ايتۋىنشا، اقىلى تۇراق وپەراتورى «سپەتستەحپاركينگ» ج ش س- نىڭ %30 ى اكىمدىككە، %70 جەكە ينۆەستورعا تيەسىلى.

«جەكە ينۆەستور جوباعا 10 ميلليارد تەڭگە قارجى سالۋدى جوسپارلاپ وتىر. قازىر ونىڭ سالعانى 1,3 ميلليارد تەڭگە. قالا بيلىگى جۇيەنىڭ دامۋىنا 1 تيىن سالمادى. ءبىراق ءوزىنىڭ 30 پايىزدىق ۇلەسىنەن تابىس كورىپ وتىر. سونىمەن قاتار، اقىلى تۇراق وپەراتورى 190 ميلليون تەڭگە كولەمىندە سالىق تولەيدى. كولىگىن تۇراققا دۇرىس قويماعاندار 81 ميلليون تەڭگە كولەمىندە ايىپپۇل تولەيتىن بولدى. بۇل مەملەكەت قازىناسىنا كەتەدى. ءبىز الەمدىك تاجىريبەنى قارادىق. الەمدە ەش ەلدە اقىلى تۇراق مەملەكەتتىڭ قارجىلاندىرۋىندا ەمەس. بۇرىنعى «الماتى پاركينگ» وپەراتورىمەن سالىستىرعاندا تۇسكەن سالىق كولەمى 5 ەسە ارتتى»، - دەدى ماقسۇت يساحوۆ.

ايتا كەتۋ كەرەك، الماتىدا اقىلى كولىك تۇراعى كوبەيىپ كەلەدى. تۇراققا كولىك قويۋ قۇنى ۋاقىتىنا قاراي 50 تەڭگەدەن باستالادى. تولەم پاركومات ارقىلى جاسالادى. تۇراق ءۇشىن اقشا تولەنبەگەن جاعدايدا 5 ا ە ك كولەمىندە ايىپپۇل سالىنادى.

اۆتور: گۇلميرا عوسمانالي