جۇرگىزۋشى ورىندىعى قاق ورتاسىندا ورنالاسقان كولىك شىعارىلماق
McLaren Automotive كومپانياسى جاڭا گيپەركاردىڭ تەستىلىك ءپروتوتيپىن كورسەتتى. ازىرشە BP23 (Bespoke Project 2, اتاۋىنداعى ەكى سانى سالوننىڭ جابدىقتالۋىن، ياعني ءۇش ورىندى ەكەنىن بىلدىرەدى) كودتى اتاۋىن يەلەنگەن كولىك 720S ءۇلىسى نەگىزىندە قۇراستىرىلعان. بۇل بريتاندىق اۆتوموبيلدىڭ اتى اڭىزعا اينالعان F1 دەن كەيىنگى جۇرگىزۋشى ورىندىعى قاق ورتادا ورنالاسقان ەڭ العاشقى كولىك بولىپ تابىلادى، دەپ حابارلايدى "موتور".
كومپانيا «McLaren تاريحىنداعى ەڭ جىلدام اۆتو» دەپ اتاعان جاڭا كولىكتىڭ ەسىكتەرى جوعارى قاراي اشىلاتىن بولادى، ول «ەڭ ۇزدىك سوڭعى اەروديناميكامەن» ، تولىعىمەن كاربوندالعان قۇرىلىممەن، 1+2 وتىرعىزۋ فورمۋلاسىمەن جانە قۋاتى 1000 اتتىڭ كۇشىنەن اساتىن گيبريدتى كۇشپەن جابدىقتالعان.
گيپەركار بار- جوعى 106 دانامەن شىعارىلادى. ولاردىڭ بارلىعى دا ساتىلىپ ۇلگەرگەن. باعاسى - شامامەن 1,62 ميلليون فۋنت ستەرلينگ (1,9 ميلليون ەۋرو) . كولىك يەلەرىنە وعان تەك 2019 -جىلى عانا قول جەتكىزە الادى.
