پاۆلوداردا قازاق ءتىلىنىڭ حالى قانداي

«ءتىل وتە كۇردەلى ماسەلە. وزدەرىڭىزدە بىلەتىندەي، پاۆلودار وبلىسىندا وزگە ۇلت وكىلدەرى كوپ، ەلۋدە ەلۋ (قازاقتار مەن وزگە ۇلت وكىلدەرىنىڭ ارا قاتىناسى) بولادى. بۇل ماسەلەنى بىرتىندەپ شەشۋدەمىز. ەستەرىڭىزدە بولسا، وتكەن جىلعى ەسەپتىك كەزدەسۋىمدە بالاباقشالاردىڭ بارلىعىن قازاقشالايىق دەپ ۇسىنىس ەنگىزگەنمىن. جالپى بۇل ماسەلەمەن اينالىسىپ جاتىرمىز. سونىمەن قاتار بۇل باعىتتاعى جۇمىستاردى قاتاڭ باقىلاۋعا الاتىن بولامىز»، - دەدى بولات باقاۋوۆ.
سونىمەن قاتار ءوڭىر باسشىسى تىلشىلەردىڭ ساۋالدارىنا جاۋاپ بەرە كەلە، پاۆلوداردىڭ ەسكىرگەن كوشە اتاۋلارىن وزگەرتۋ ماسەلەلەرى دە قاراستىرىلىپ جاتقاندىعىن ايتتى.
«وتكەن جىلى ەسەپتىك كەزدەسۋىمدە ەۆگەني ازاروۆ ەسىمدى ازامات: «قازان توڭكەرىسىنە 100 -جىل بولادى. ەندىگى ۋاقىتتا لەنين كوشەسىنىڭ اتاۋىن وزگەرتۋ قاجەت شىعار»، دەپ ۇسىنىس ەنگىزگەن ەدى. بۇل جۇمىسقا وسى جىلدىڭ ىشىندە كىرىسەمىز. ال باسقا كوشەلەردىڭ اتاۋىن بىرتىندەپ وزگەرتەمىز»، - دەدى وبلىس اكىمى.
اۆتور: مارلان جيەمباي