جاپونيا پرەمەر- ءمينيسترى جۇرگىزۋشىسىز جۇرەتىن تراكتوردى تانىستىردى

جاڭا تەحنيكانىڭ تۇساۋى كيوتو قالاسىندا جەكسەنبى كۇنى جۇمىسىن باستاعان عىلىم جانە قوعامداعى تەحنولوگيالار حالىقارالىق فورۋمىندا كەسىلدى. بىرنەشە تراكتوردىڭ قوزعالىسى تۇسىرىلگەن ۆيدەو تۋرالى اڭگىمەلەي كەلە: «قاراڭىزشى، ولار جاي ۇيلەسىممەن عانا ءجۇرىپ جاتقان جوق، ءتىرى ادامدار سەكىلدى ءبىر- بىرىمەن تىلدەسىپ جاتقانداي. بولاشاقتا ولار كەڭ قولدانىسقا بەرىلەدى» ، - دەدى ابە.
جاپون ۇكىمەتىنىڭ باسشىسى يننوۆاتسيالار مەن جاڭا تەحنولوگيالاردىڭ دامۋى جەكەلەگەن ەلدەردىڭ عانا ەمەس، بۇكىل الەمنىڭ بولاشاعىن ايقىندايدى. «مەن بارشامىز بىرىگە وتىرىپ، الەمدى جاقسارتامىز دەپ سەنەمىن» ، - دەدى ول.
ەجەلگى جاپون استاناسى كيوتو قالاسىندا جەكسەنبى كۇنى عىلىم جانە قوعامداعى تەحنولوگيالار حالىقارالىق فورۋمى باستالدى. اتالعان بەدەلدى شارا وسىمەن 14- رەت الەمنىڭ 150دەن استام ەلىنەن كەلگەن ءبىر جارىم مىڭنان استام عالىم مەن كاسىپكەردىڭ، سونداي- اق ساياسات جانە قوعام قايراتكەرلەرىنىڭ باسىن قوسىپ وتىر.