تاشكەنتتە قىلمىس الەمىنىڭ باستى سەركەسى ۇستالدى

قىلمىس الەمىنىڭ سەركەسىنە اسا ءىرى كولەمدە ەسىرتكى ساتتى دەگەن ايىپ تاعىلعان. «قازىرگى ۋاقىتتا ۇستالعان ازامات بوپسالاۋ، اسا ءىرى كولەمدە ەسىرتكىنى ساقتاۋ جانە ساتۋ باپتارى بويىنشا ايىپ تاعىلعان. سوىنمەن قاتار، ونىڭ قىلمىس الەمىندە ابىروي جيناۋ ءۇشىن قىلمىستىق توپ قۇرىپ، زاڭعا قايشى ءىس ارەكەتتەرگە بارعان. الايدا بۇل ارەكەتتەردىڭ بارىسى توقتاتىلدى. قازىرگى ۋاقىتتا ونىمەن سىبايلاس بولعانداردىڭ كىمدەر ەكەنى انىقتالىپ جاتىر»، - دەدى تاشكەنت م ءى ءى ب باسشىسىنىڭ ورىنباسارى دونيەر تاشحودجايەۆ.
ىشكى ىستەر ورگانى وكىلدەرىنىڭ ايتۋىنشا، ەشكىم كريمينالدىق بيلىك ورناتۋعا جول بەرمەيدى. "تاشكەنتتە زاڭدى اتتاپ وتۋگە ەشكىمگە جول بەرىلمەيتىنىنە ۋادە بەرەمىن. كونستيتۋتسيا بار، قىلمىستىق- پروتسەسسۋالدىق كودەكس بار، نورماتيۆتىك اكتىلەر، اكىمدىكتەر، قۇقىق قورعاۋ ورگاندارى بار. «كوشە بۇزاقىلارىنا» مۇندا ورىن جوق. كەز كەلگەن وسى تەكتەس ءىس ارەكەتتەرگە زاڭ تاراپىنان قارسى جاۋاپ بولادى»، - دەدى تاشحودجايەۆ.