22:10, 29 - قىركۇيەك 2017 | GMT +5
تايلاندتىڭ ەكس- پرەمەرى بريتانيادان ساياسي باسپانا سۇرادى
استانا. قازاقپارات - تايلاندتىڭ بۇرىنعى پرەمەر- ءمينيسترى لوندونعا كەلىپ، بريتانيا بيلىگىنەن ساياسي باسپانا سۇراپ وتىر.

ەكى كۇن بۇرىن تايلاند سوتى يينگلاك چيناۆاتتى 5 جىلعا باس بوستاندىعىنان ايىرۋ تۋرالى سىرتتاي ۇكىم شىعارعان ەدى.
ول اۋىل شارۋاشىلىعى سالاسىنداعى مەملەكەتتىك باعدارلامانى ىسكە اسىرۋ كەزىندە سەلقوستىق تانىتقانى ءۇشىن وسىنداي جازاعا كەسىلگەن. الايدا ۇكىم شىعار الدىندا ەكس- پرەمەر جاسىرىن تۇردە ەلدەن كەتىپ قالدى. بۇقارالىق اقپارات قۇرالدارى «ول بىرىككەن اراب امىرلىكتەرىندە بولۋى مۇمكىن» دەگەن حابار تاراتقان.
ايتا كەتەيىك، 2014 -جىلدىڭ مامىرىندا اسكەري توڭكەرىس سالدارىنان تايلاند ۇكىمەتى بيلىكتەن شەتتەتىلگەن بولاتىن. ال ودان بىرنەشە اپتا بۇرىن يينگلاك چينناۆات وتستاۆكاعا جىبەرىلدى.
www.24.kz