دەنساۋلىق ساقتاۋ مينيسترلىگىنىڭ باسشىلىعى ۆاكسينالاۋدى وزدەرىنەن باستادى

استانا. قازاقپارات - سوڭعى جىلدارى قازاقستاندا ۆاكسينا ماسەلەسى قىزۋ تالقىلانىپ جاتقانى بەلگىلى. ونىڭ اينالاسىندا ءتۇرلى پىكىرلەر ايتىلۋدا، ياعني دەنساۋلىق ساقتاۋ مينيسترلىگى ەكپەنىڭ مىندەتتى تۇردە قاجەت ەكەنىن العا تارتسا، ەلىمىزدىڭ كەيبىر تۇرعىندارى ۆاكسينادان باس تارتقاندى قۇپ كورىپ وتىر.
None
None

ەندى بۇل ماسەلە پارلامەنت مىنبەرىنەن دە ءجيى كوتەرىلە باستادى. اتاپ ايتقاندا، ەكپەنىڭ ماڭىزدىلىعى جايىندا دەپۋتاتتار ۇكىمەتكە ءبىرقاتار ساۋالدارىن دا جولداپ ۇلگەردى. ءوز كەزەگىندە وسى سالاعا جاۋاپتى مينيسترلىك تە قازاقستاندىقتاردىڭ ۆاكسينادان باس تارتۋى فاكتىلەرى جيىلەپ بارا جاتقانىن مويىنداپ وتىر.

جالپى، ەلىمىزدە دۇنيەجۇزىلىك دەنساۋلىق ساقتاۋ ۇيىمى ۇسىنىسى بويىنشا حالىقتىڭ ءتيىستى ماقساتتا توپتارى ەكپەمەن قامتىلعان. سوڭعى 10 جىلدا ەكپەدەن باس تارتۋدىڭ جاعدايلارى ارتقاندىعى بايقالدى. نەگىزىنەن، ءدىني كوزقاراس پەن جەكە پىكىرلەر بويىنشا ەكپە جاساماي وتىر، سونداي- اق بۇقارالىق اقپارات قۇرالدارىندا مالىمەتتەردى تەرىس جاعىنان تاراتۋ جاعدايلارى ىقپال ەتۋدە.

 2006 -جىلدا باس تارتقاندار سانى 1 مىڭ بولسا، 2016 -جىلى بۇل كورسەتكىش  9685-كە دەيىن جەتتى. وسى ماسەلەگە بايلانىستى بيىل ق ر دەنساۋلىق ساقتاۋ ءمينيسترى ەلجان ءبىرتانوۆ ادامداردىڭ كەيبىرەۋلەرى ۆاكسينانىڭ ساپاسىنا كۇدىكتەنىپ، جاعىمسىز اقپاراتتىڭ سالدارىنان سەنىمسىزدىك تانىتىپ جاتقانىن ايتقان بولاتىن. ونىڭ پايىمىنشا، اسىرەسە، بالالارعا ەكپە سالۋدىڭ ماڭىزدىلىعىن ۇمىتپاۋ قاجەت.

«مينيسترلىك ۆاكسيناتسيا ماسەلەسىن جان- جاقتى ءتۇسىندىرىپ كەلەدى. سوعان قاراماستان، ەكپەدەن باس تارتىپ جاتقاندار از ەمەس. سول سەبەپتى قوعامدىق دەنساۋلىق ساقتاۋ قىزمەتتەرى وسى جۇمىسپەن تىعىز اينالىسۋى قاجەت»، - دەپ اتاپ كورسەتتى مينيستر.

 ال اعىمداعى جىلى ۇكىمەت ۇيىندە وتكەن بريفينگتە ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ قازاقستاندا زاڭمەن ۆاكسيناتسيانى مىندەتتى تۇردە تالاپ ەتۋ ەنگىزىلۋى مۇمكىن ەكەنىن مالىمدەدى. «قازىرگى ۋاقىتتا زاڭناماعا تۇزەتۋلەر توپتاماسى ازىرلەنۋدە. ونىڭ ىشىندە، ماسەلەن، ۆاكسيناتسيانى مىندەتتى تۇردە تالاپ ەتۋ ماسەلەسى دە تالقىلانۋدا. ءبىراق، مۇنى جاقتاۋشىلار دا، قارسى بولۋشىلار دا بار. ءبىز بارلىق تاراپتىڭ پىكىرىن ەسكەرۋىمىز كەرەك. ازىرشە، بۇل ماسەلەگە قاتىستى تۇبەگەيلى شەشىم قابىلدانعان جوق»، - دەدى ول.

ءدىن ىستەرى جانە ازاماتتىق قوعام ءمينيسترىنىڭ پىكىرىنە قاراساق، ۆاكسينادان باس تارتۋدىڭ سالدارى وزگە ازاماتتاردىڭ قۇقىقتارىنىڭ بۇزىلۋىنا الىپ كەلەدى. بۇل تۇرعىدا مىندەتتى ۆاكسينالاۋ ەنگىزىلسە، ول ءبىرىنشى كەزەكتە وتە قاۋىپتى ينفەكسيالار مەن پارازيتتىك اۋرۋلار بويىنشا قاراستىرىلادى.

«اتاپ ايتقاندا، بۇل قادام ءبىر بالادان ەكىنشى بالاعا بەرىلەتىن قاۋىپتى ينفەكسيالار اياسىندا ەسكەرىلۋدە. ەگەر دە بىرەۋ ەكپە جاساماسا، وندا ول وزىنە عانا ەمەس، سونىمەن قاتار باسقالارعا دا جۇقتىرۋى ىقتيمال. سوندىقتان دا بۇل تۇرعىدا وزگە ادامداردىڭ دا قۇقىقتارى بۇزىلادى. ياعني بۇعان جول بەرىلمەۋى قاجەت»، - دەيدى ەرمەكبايەۆ.

ۆيسە- مينيستر ۆاكتسينالاۋدا ۇلگى كورسەتتى

 null

دەنساۋلىق ساقتاۋ مينيسترلىگىنىڭ وكىلدەرى ەكپە جاساۋ ماسەلەسىندە ونىڭ ماڭىزدىلىعىن سوزدەن گورى ىسپەن دالەلدەگەندى ءجون كورگەن سىڭايلى. بۇگىن استاناداعى №9 ەمحانادا ق ر دەنساۋلىق ساقتاۋ ۆيتسە- ءمينيسترى الەكسەي سوي مەن ق ر د س م قوعامدىق دەنساۋلىق ساقتاۋ كوميتەتىنىڭ ءتوراعاسى جانداربەك بەكشين تۇماۋعا قارسى ەكپە جاساتتى. ونىمەن قويماي، ج. بەكشين 5 جاستاعى نەمەرەسى سانجارعا دا وسى ەمحانادا ۆاكسينا ەككىزدى.

كوميتەت باسشىسىنىڭ سوزىنە قاراعاندا، 2017 -جىلعى 2 - قازاننان قازاقستاندا تۇماۋعا قارسى جاپپاي ۆاكسينا ەگۋ شارالارى باستالادى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سۇيەنسەك، بيىل نەگىزىنەن ۆيرۋستىڭ ءۇش شتاممى تارالماق، ياعني A (H1N1) -- ميچيگان، A (H3N2)- گونكونگ، ب - بريسبەن وزەكتى بولادى. وسى ورايدا بارلىق شتاممدار د د س ۇ سەرتيفيكاتتاعان ۆاكسيانالاردا قامتىلعان.

 «اعىمداعى جىلى ەلىمىزدە رەسەيدە وندىرىلگەن «گريپپول» ەكپەسى پايدالانىلادى، بۇل ۆاكسينا د د س ۇ تاراپىنان سەرتيفيكاتتالعان جانە ونىڭ ساپاسى ۇلتتىق دەڭگەيدە دە راستالدى»، - دەدى قوعامدىق دەنساۋلىق ساقتاۋ كوميتەتىنىڭ ءتوراعاسى.

 بەلگىلى بولعانداي، بيىل قازاقستانعا اتالعان ۆاكسينانىڭ 2 ميلليون دوزاسى جەتكىزىلدى، سونىڭ 1,5 ميلليونى 1 ميلليارد 200 ميلليون تەڭگە سوماسىندا رەسپۋبليكالىق بيۋدجەت قارجىسىنا ساتىپ الىندى. تاعى دا 500 مىڭ دوزا جۇمىس بەرۋشىلەر مەن تۇرعىندار تاراپىنان جاسالعان ءوتىنىم بويىنشا تاپسىرىلدى. مەملەكەتتىك بيۋدجەت ەسەبىنەن ۆاكسينالاۋدان سوزىلمالى وكپە، جۇرەك- قان تامىرى دەرتىمەن اۋىراتىندار، اۋرۋعا ءجيى شالدىعاتىن بالالار، مەديتسينا قىزمەتكەرلەرى، ەكىنشى جانە ءۇشىنشى تريمەسترىندەگى جۇكتى ايەلدەر وتەدى.

«جاقىندا ءبىزدىڭ حالىقتىڭ يممۋنالوگيالىق مارتەبەسىنە زەرتتەۋ جۇرگىزدىك. بۇل تۇرعىدا قازاقستان حالقىنىڭ 20 پايىزىندا تۇماۋدىڭ اتالعان شتاممدارىنا يممۋنيتەتىنىڭ جوقتىعى انىقتالدى. سوندىقتان ۆاكسينالاۋ ماڭىزدىلىعى بايقالىپ وتىر»، - دەيدى كوميتەت باسشىسى.

جىل سايىن قازاقستاندا تۇماۋعا قارسى حالىقتىڭ 10 پايىزىنا دەيىن ەگىلەدى. بۇل ۆاكسينانىڭ قۇنى وڭىرلەردەگى اقىلى كابينەتتەردە 2000-نان 3500 تەڭگە ارالىعىندا بولادى.

 ينفەكسيالىق اۋرۋلارعا قارسى 5 ميلليونعا جۋىق ادام ەگىلەدى

دەنساۋلىق ساقتاۋ ۆيتسە- ءمينيسترى الەكسەي سويدىڭ اتاپ وتۋىنشە، قازاقستاندا يممۋندىق- پروفيلاكتيكا الدىن الۋ شارالارى اياسىندا دەنساۋلىق ساقتاۋدىڭ باسىم باعىتتارىنىڭ ءبىرى جانە رەسپۋبليكادا ۆاكسيناتسيالاۋ ناتيجەسىندە ينفەكتسيالىق اۋرۋلار بويىنشا ەپيدەميولوگيالىق جاعداي جاقساردى. رەسمي مالىمەتتەرگە سۇيەنسەك، سوڭعى 20 جىلدا قىزامىقپەن سىرقاتتانۋدىڭ 2540 ەسەدەن ارتىق؛ ەپيدەميالىق پاروتيتتىڭ - 310 ەسەدەن ارتىق؛ «ب» ۆيرۋستىق گەپاتيتى 54 ەسە، ال وسى ينفەكسياعا قارسى يممۋندالعان بالالار اراسىندا 112 ەسە تومەندەگەنى بايقالادى، سونداي- اق كوكجوتەلمەن سىرقاتتانۋدىڭ تۇراقتى تومەنگى دەڭگەيى ۇستالۋدا، ديفتەريا مەن سىرەسپەنىڭ ءبىرلى- جارىم جاعدايلارى كەزدەسەدى.

 «ۆاكتسينالار مەن باسقا دا مەديتسينالىق يممۋندىق- بيولوگيالىق پرەپاراتتار نەگىزگى دارىلىك زاتتاردىڭ تىزىمىنە ەنگىزىلگەن جانە حالىقتى ۆاكتسيناتسيالاۋ تەگىن مەديتسينالىق كومەكتىڭ كەپىلدىك بەرىلگەن كولەمىنە كىرەدى. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» ق ر كودەكسىنە سايكەس، جەكە ادامدار، ونىڭ ىشىندە قازاقستان اۋماعىنداعى شەتەلدىك ازاماتتار ينفەكتسيالىق جانە پارازيتتىك اۋرۋلارعا قارسى پروفيلاكتيكالىق ەگۋلەر الۋعا قۇقىلى»، - دەدى ۆيتسە- مينيستر.

بالالاردى ساپاسىنا كەپىلدىك بەرىلگەن ۆاكسينالارمەن قامتاماسىز ەتۋ ماقساتىندا ق ر دەنساۋلىق ساقتاۋ مينيسترلىگى ءوندىرىسىن د د س ۇ سەرتيفيكاتتاعان ۆاكسينالاردى ساتىپ الادى. جىل سايىن قازاقستاندا ينفەكتسيالىق اۋرۋلارعا قارسى 5 ميلليونعا جۋىق ادام ەگىلەدى، ونىڭ ىشىندە 1,3 ميلليونى بالالار. قازاقستان رەسپۋبليكاسىندا ماقساتتى ينفەكسيالارعا قارسى ۆاكسيناتسيالاۋدىڭ جىل سايىنعى قامتۋ دەڭگەيى 95-96 پايىزدى قۇرايدى ەكەن، بۇل ءوز كەزەگىندە دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسى شەگىنە كىرىپ وتىر.

 اۆتور: رۋسلان عابباسوۆ

سوڭعى جاڭالىقتار