ساعىنتايەۆ شىمكەنتتە وڭتۇستىك حالقىن سولتۇستىككە كوشىرۋ ماسەلەسىن كوتەردى

شىمكەنت. قازاقپارات - بۇگىن شىمكەنتتەگى «كورمە» ورتالىعىندا وڭىرگە ساپارمەن كەلگەن ق ر پرەمەر- ءمينيسترى باقىتجان ساعىنتايەۆتىڭ توراعالىعىمەن تۋريزم جانە كاسىپكەرلىك سالالارىنىڭ دامۋى ماسەلەلەرى بويىنشا جيىن ءوتتى،
None
None

دەپ حابارلايدى قازاقپارات ح ا ا ءتىلشىسى.

وتىرىسقا ەلىمىزدىڭ ءبىرقاتار مينيسترلەرى مەن استانا جانە الماتى قالالارىنىڭ، سولتۇستىك وبلىستارى اكىمدەرىنىڭ ورىنباسارلارى، اۋدان- قالا اكىمدەرى مەن باسقارما جەتەكشىلەرى قاتىستى. جيىندا العاش ءسوز العان ۇكىمەت باسشىسى باقىتجان ساعىنتايەۆ وڭتۇستىك وڭىرىندە كاسىپكەرلىكتى دامىتۋ باعىتىندا اتقارىلىپ جاتقان جۇمىستارمەن تانىسىپ، اتالعان سالانى قولداۋ ماسەلەسىن اتاپ ءوتتى.

«وڭتۇستىكتىڭ حالقى ىسكەر، ولاردى ۇيرەتۋدىڭ قاجەتى جوق. تەك قانا جۇمىستىڭ جوباسىن كورسەتسەڭ، وزدەرى الىپ كەتەدى. وبلىستىڭ ءوزىن- ءوزى قامتاماسىز ەتۋگە مۇمكىندىگى جوعارى. باۋ- باقشانى دامىتۋ سالاسى بويىنشا دا شارۋانى العا قاراي الىپ كەتە الادى. كاسىپكەرلىكتى دامىتۋ ءۇشىن بەرىلىپ جاتقان كومەكتەر جەتكىلىكتى ما، قوسىمشا زاڭداردى قايتا قاراستىرىپ، سول ارقىلى كومەك قاجەت پا، سول جاعىن قاراستىرۋىمىز كەرەك»، - دەدى پرەمەر- ءمينيسترى باقىتجان ساعىنتايەۆ.

سونداي- اق، ۇكىمەت باسشىسى وڭتۇستىك حالقىنىڭ سولتۇستىك وبلىستارىنا كوشۋ ماسەلەسىنە دە توقتالدى. بۇل باعىتتا جۇيەلى جۇمىستاردىڭ اتقارىلۋ بارىسىن ءسوز ەتكەن باقىتجان ساعىنتايەۆ كوشىپ بارعان ازاماتتارعا جەر بەرۋ، ولاردى تۇراقتى جۇمىسپەن، باسپانامەن قامتۋ قاجەتتىگىن اتاپ ءوتتى. اسىرەسە، ىسكەرلىك قابىلەتى جوعارى شارۋالار مەن كاسىپكەرلەردى جىبەرۋ كەرەكتىگىن تىلگە تيەك ەتتى.

«وڭتۇستىكتە جەر جەتپەسە، سولتۇستىكتە جەر كوپ. ەڭبەك ەتىپ تىرلىك جاسايمىن دەگەندەرگە مۇمكىندىكتەر دە كوپ. كاسىپكەرلەرگە ايتارىم، سولتۇستىكتەن كاسىپ اشىپ، بيزنەس اشۋعا بولادى. جاستار وندا بارىپ، كاسىپتىك جوعارى ءبىلىم العانىمەن اۋىلدارىنا قايتقىسى كەلىپ تۇرادى. ال، ەسەيگەن ادام ساناسىمەن كەتىپ بارا جاتقان سوڭ، ورنىعىپ ەڭبەك ەتۋگە ارەكەت ەتەدى. سوندىقتان كاسىپكەرلەردى دە جىبەرۋ كەرەك»، - دەدى ۇكىمەت باسشىسى.

پرەمەر- مينيستر بۇل رەتتە جيىنعا قاتىسقان شىعىس قازاقستان، قوستاناي، پاۆلودار جانە سولتۇستىك قازاقستان وبلىستارىنان كەلگەن اكىمدىك قىزمەتكەرلەرىنەن وڭتۇستىكتەن سولتۇستىككە كوشىپ بارعانداردىڭ بۇگىنگى جاعدايىن جانە تاعى قانداي كومەكتەر قاجەتتىگىن سۇرادى.

 اۆتور: اينۇر اقبايەۆا

سوڭعى جاڭالىقتار