بەت فورماسىنا سايكەس شاشتى قالاي ساندەۋ كەرەك؟

استانا. قازاقپارات - ادامنىڭ بەت- پىشىنىنە سايكەس (فورماسى) شاش ءسانى ەسكەرىلۋى ءتيىس.
None
None

سوندىقتان، اركىمنىڭ ءوزىنىڭ ەرەكشەلىگىنە بايلانىستى كوزگە كورىنىپ تۇراتىن ءمىنىن جاسىرۋ ءۇشىن شاش قيۋ، تۇيۋدە وسى جاعى ەستە بولعانى ءجون.

سوپاقشا بەتتە ماڭداي شاشتىڭ بۇيرا بولماعانى دۇرىس. ەگەر ماڭداي وتە جوعارى بولسا، كەكىل قالدىرۋعا بولادى. مۇمكىن بولسا شاشتىڭ ۇزىندىعى يەك تۇستان اسپاي، ەكى جاققا ءبولىپ تارالعانى دۇرىس. سوندا بەتتى تولىقتىرىپ كورسەتەدى. يىققا ءتۇسىپ تۇرعان شاش سوپاقشا بەتتى ودان ءارى ۇزارتىپ كورسەتەدى.

ءۇشبۇرىش فورمالى بەت

شاشتىڭ ازداپ ۇزىنداۋ بولىپ، ۇساق تولقىندانىپ، قۇلاقتى جاۋىپ تۇرعانى جاراسىمدى. مۇنداي جاعدايدا ساندەلىپ، ازداپ بۇيرالانعان كەكىل ماڭدايدىڭ جوعارىلىعىن بىلدىرمەيدى. قۇلاقتىڭ تۇسىنداعى تولقىندانعان شاش يەك ءتۇستى تولىقتىرىپ كورسەتەدى.

جالپاق بەت

شاشتىڭ بەتتى ودان سايىن جالپاق ەتىپ كورسەتۋى قاراستىرىلادى. ول ءۇشىن قۇلاق تۇستاعى شاشتى (ەگەر قۇلاق ۇلكەن بولماسا) جيناپ قويادى. ماڭداي ءتۇستى ۇزارتا ءتۇسۋ ءۇشىن كەكىلدى كوتەرىڭكى ەتىپ ساندەۋ كەرەك.

دوڭگەلەك بەت

قىسقا قيىلعان شاش جاراسادى، سونداي-اق جەلكەدەگى شاشتى كوتەرىپ، قۇلاقتى اشىپ قويعان دۇرىس.

وتە كەڭ جانە تار ماڭداي

ماڭداي وتە اشىق بولسا شاشتى ساندەپ قانا ءتۇسىرىپ قويادى، ال تار ماڭدايدا شاش جوعارى كوتەرىلىپ، بيىك ەتىپ تۇيىلسە ءتىپتى جاقسى.

مۇرنىڭىز ۇلكەن بولسا ماڭداي شاشتىڭ دۇرىس تارالۋىنا كوڭىل ءبولۋ كەرەك. سونداي- اق قۇلاقتى جاۋىپ، تولقىندانا بۇيرالانعان شاش ادەمى جاراسادى. شاشتىڭ جەلكە تۇسى دا تولقىن تۇرىندە تارالعانى دۇرىس.

جەلكە، مويىن مەن يىقتىڭ دا شاش فورماسىنا ەلەۋلى اسەرى بار. قىسقا جانە جۋان مويىندىلارعا شاشتى جوعارى كوتەرۋ جولىمەن ۇزارتۋعا بولادى. ال جىڭىشكە ءارى ۇزىن مويىندى جەلكە تۇستاعى شاشتى ساندەپ ءتۇسىرىپ قويۋ جولىمەن تولىقتىرعان دۇرىس.

سوڭعى جاڭالىقتار