قازاقستان بانكتەرىنىڭ بىرىنە كيبەر شابۋىل جالعاسۋدا - ۇ ق ك

«قازىرگى ۋاقىتتا ءبىزدى مەملەكەتتىك تەحنيكالىق قىزمەتتەرىمىز بۇل شابۋىلدارعا ناتيجەلى تويتارىس بەرۋدە. شابۋىلدى كەشە تۇستەن كەيىن بايقادىق جانە ودان كەيىن ءتۇنى بويى جالعاستى. كەزەكشىلەرىمىز احۋالعا تۇنىمەن مونيتورينگ جۇرگىزىپ وتىر، بارلىق شابۋىلدارعا تويتارىس بەرىلدى. بۇگىنگى كۇنى ءبىزدىڭ نەگىزگى بانكتەرىمىزدىڭ بىرىنە شابۋىل جالعاسۋدا. ءبىز بۇل جايتتى ءبىلىپ وتىرمىز. قازىردىڭ وزىندە شەكتەدىك. بۇل سەرۆەرلەرىنەن شابۋىل تارالىپ جاتقان شەتەلدەگى ارىپتەستەرمەن بايلانىستامىز»، - دەدى ەرعوجين.
ونىڭ اتاپ وتۋىنشە، رەسپۋبليكالىق مەملەكەتتىك تەحنيكالىق قىزمەت تەك قانا وتە ماڭىزدى ينفراقۇرىلىمداردىڭ كيبەركەڭىستىگى قىزمەتىنىڭ ىركىلىسسىز جۇمىس ىستەۋىنە عانا جاۋاپ بەرەدى.
«بۇگىنگى كۇنى بانكتەر ونىڭ قۇرامىنا كىرمەيدى. ياعني، قازىرگى ۋاقىتتا ءبىز بانكتەردى قورعاۋ باعىتىنداعى ءىس-ارەكەتتەرىمىزدى ۇلتتىق بانكپەن اراداعى بەلگىلى ءبىر كەلىسىم اياسىندا جۇزەگە اسىرۋدامىز»، - دەدى ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى.
ايتا كەتەيىك، ق ر ۇ ق ك ءتوراعاسىنىڭ ورىنباسارى بۇگىن زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسياسىنىڭ كەزەكتى وتىرىسىندا «تەرروريزمگە قارسى ءىس-قيمىل تۋرالى» ق ر زاڭىنا وزگەرتۋلەر ەنگىزۋ تۋرالى» زاڭ جوباسىنىڭ تۇجىرىمداماسىن تانىستىرعان بولاتىن.
اۆتور: مارلان جيەمباي