قازاقستان تاۋەلسىزدىكتىڭ ءۇشىنشى مۇشەلىن زور رۋحاني جاڭعىرۋمەن باستادى - نۇرسۇلتان نازاربايەۆ

استانا. قازاقپارات - قازاقستان قاستەرلى تاۋەلسىزدىگىنىڭ ءۇشىنشى مۇشەلىن زور رۋحاني جاڭعىرۋمەن باستادى.
None
None

بۇل تۋرالى ەلباسى نۇرسۇلتان نازاربايەۆ بۇگىن اقتوبە قالاسىندا وتكەن «تۋعان جەر» رەسپۋبليكالىق فورۋمىنا قاتىسۋشىلارعا جولداعان قۇتتىقتاۋىندا ايتتى.

حاتتى ق ر مەملەكەتتىك حاتشىسى گۇلشارا ءابدىقالىقوۆا وقىپ بەردى، دەپ حابارلايدى قازاقپارات اقورداعا سىلتەمە جاساپ.

«مەنىڭ باعدارلامالىق ماقالامنىڭ اياسىندا ەلىمىزدىڭ بارلىق ايماقتارىندا كەڭ اۋقىمدى جۇمىستار قولعا الىندى.

«رۋحاني جاڭعىرۋدىڭ» نەگىزىندە جۇزەگە اسىرىلىپ جاتقان ايرىقشا ماڭىزدى جوبالاردىڭ ءبىرى - «تۋعان جەر». اركىمنىڭ كىندىك قانى تامعان تۋعان جەرى قايدا جۇرسە دە جۇرەگىنىڭ تورىندە. ءبىزدىڭ ءارقايسىمىز تۋعان ولكەمىزدى ماقتان ەتەمىز، الىس جۇرسەك ساعىنامىز، قامقورلىق جاسايمىز. تۋعان جەرگە ىڭكارلىك تۋعان ەلگە سۇيىسپەنشىلىكپەن ۇلاسادى. تۋعان جەرگە قامقورلىق تۋعان ەلگە جاناشىرلىقپەن استاسادى»، - دەلىنگەن مەملەكەت باسشىسىنىڭ قۇتتىقتاۋ حاتىندا.

ق ر پرەزيدەنتى اتاپ وتكەندەي، «تۋعان جەر» باعدارلاماسى جالپى ۇلتتىق پاتريوتيزمنىڭ وزەگى ىسپەتتى وسىنداي ىزگى نيەتتەر مەن شارالاردى جۇيەلەپ، ورتاق يگىلىككە اينالدىرۋدى كوزدەيدى.

ال فورۋمعا ەلىمىزدىڭ بارلىق وڭىرلەرىمەن قاتار، 20 مەملەكەتتە تۇرىپ جاتقان اقتوبەلىكتەردىڭ ارنايى كەلۋى - ءبىزدىڭ ۇلتتىق بىرەگەيلىگىمىزدى، تۋعان ەلگە دەگەن شىنايى پاتريوتتىق سەزىمدەرىمىزدى ايشىقتاي تۇسەدى.

«بۇگىن اقتوبەدەن باستاۋ العان يگى شارا ەلىمىزدىڭ باسقا وڭىرلەرىندە جالعاسىن تابارىنا سەنىمدىمىن. سىزدەر شىنايى پاتريوتيزم - «ماڭگىلىك ەلدىڭ» مىزعىماس تۇعىرى ەكەنىن بەك ءتۇسىنىپ، وسىناۋ پاتريوتتىق سەزىمدى بارشا زامانداستارىڭىزعا جەتكىزۋلەرىڭىزدى تىلەيمىن! سۇيىكتى قازاقستانىمىز گۇلدەنە بەرسىن! مەرەيمىز اسىپ، بىرلىگىمىز تاسي بەرسىن! ماڭگىلىك ەلدىڭ كوك بايراعى ءارقاشان اسقاق جەلبىرەسىن!»، - دەپ تىلەدى نۇرسۇلتان نازاربايەۆ.

بۇعان دەيىن حابارلاعانىمىزداي، بۇگىن اقتوبەدە «تۋعان جەر» رەسپۋبليكالىق فورۋمى ءوتتى. وعان الەمنىڭ 21 ەلىنەن اقتوبە وبلىسىنىڭ 300 دەن استام تۋماسى كەلدى. فورۋم بارىسىندا ولار 5 ميلليارد تەڭگەنىڭ الەۋمەتتىك جوباسىنا قولداۋ بىلدىرەتىنىن جەتكىزدى.

ق ر مەملەكەتتىك حاتشىسى گۇلشارا ءابدىقالىقوۆا پرەزيدەنت باستامالارىن قولدايتىن قوعام قارقىنمەن دامىپ كەلە جاتقانىن اتاپ وتە كەلە، الماتىدا اۋلانى جيناپ، قوقىستان تازارتقان ون جاسار ءداۋىت بالتابايەۆتان ۇلگى الۋعا شاقىردى.

سوڭعى جاڭالىقتار