19:59, 28 - قىركۇيەك 2017 | GMT +5
ءجۇز شاقتى قۇسپەن سوقتىعىسقان جولاۋشىلار ۇشاعىنىڭ بىت-شىتى شىقتى
استانا. قازاقپارات - جەلىدە الدىڭعى بولىگىنىڭ بىت-شىتى شىققان «بوينگا-737» اۋە لاينەرىنىڭ سۋرەتى پايدا بولدى.

بۇل تۋرالى New York Post جازادى.
J4341 رەيسىن ورىنداۋ ءۇشىن سۋداننىڭ ەد-دامازين قالاسىنان شىققان ۇشاق قاتتى زاقىمدانىپ حارتۋم اۋەجايىنا ارەڭ دەگەندە قونعان. ۇشاقتىڭ ىشىنەن تۇسىرىلگەن كەيبىر سۋرەتتەردە قان-قان بولعان قۇستاردى دا بايقاۋعا بولادى.
ال سىرتىنان تۇسىرىلگەن سۋرەتتە قۇس تا، قان دا كورىنبەيدى، ەسەسىنە ۇشاق تۇمسىعىنان تۇك قالماعانى انىق بايقالادى. ۇشقىشتىڭ جانە ەكيپاجدىڭ شەبەرلىگى ارقاسىندا مەجەلى جەرگە امان-ساۋ جەتە العان.