قىتايدا جۇكتى ايەل پەرزەنتحانا بولىمىنە جەتە الماي، ليفتىدە بوساندى - كەسكىن

اۋرۋحانا ماماندارىنىڭ ايتۋىنشا، قازىر بالانىڭ دەنساۋلىعى جاقسى جانە ونىڭ ومىرىنە ەشقانداي قاۋىپ جوق.
قىتايدىڭ ۆەنشان وكرۋگىندە جۇكتى ايەل قالالىق اۋرۋحانانىڭ پەرزەنتحانا بولىمىنە ليفتىمەن كوتەرىلىپ بارا جاتىپ، كەنەتتەن تولعاعى قىسقان. ءسويتىپ، جەدەل ساتىنىڭ ىشىندە بوسانا باستاعان.
وقيعا ۆيدەوباقىلاۋ كامەراسىنا ءتۇسىپ قالعان. كادردان ليفتىنىڭ وپەراتورى ونى توقتاتىپ، بارلىق جولاۋشىلاردى سىرتقا شىعارىپ جاتقانىن كورۋگە بولادى، دەپ حابارلايدى Mirror.
ايەلدى پەرزەنتحانا پالاتاسىنا جەتكىزۋ كەش بولعاندىقتان، دارىگەرلەر ونى ليفتىنىڭ ىشىندە بوساندىرۋ تۋرالى شەشىم قابىلداعان.
ءسابي جارىق دۇنيەگە كەلگەننەن كەيىن، مەديتسينا ماماندارى ونىڭ كىندىگىن كەسپەي، اناسىمەن بىرگە زەمبىلمەن پالاتاعا جەتكىزگەن. بالانىڭ دەنساۋلىعى جاقسى ءارى ونىڭ ومىرىنە ەشقانداي قاۋىپ جوق.