بەكبولات تىلەۋحان قازاقشا سويلەمەيتىن دەپۋتاتتاردى تەكسىزدەر دەپ اتادى

ويتكەنى، قولدانىستاعى ەرەجە - لاۋازىمدى تۇلعالاردىڭ مەملەكەتتىك ءتىلدى مەڭگەرۋىن تالاپ ەتپەيدى، - دەپ جازدى ەۋرازيا ارناسىنداعى باستى جاڭالىقتار قىزمەتى.
دەمەك، قازاق ءتىلىن ءبىلۋ - جەكەلەگەن ادامداردىڭ وزىندىك سانا-سەزىمىنە عانا بايلانىستى. دەپۋتاتتار وسىلاي دەيدى.
«قانداي پروبلەمالار بار؟ - سۆەتلانا كابىكەنوۆنا، پروشۋ. - سپاسيبو زا ۆاپروس. س ۆاشەگو رازرەشەنيا يا نا رۋسسكوم يازىكە وتۆەچۋ».
- راحمەت، رۇقسات بولسا، جاۋاپتى ورىسشا بەرسەم».
- راحمەت، رۇقسات بولسا، ورىسشا جاۋاپ بەرەيىن.
بۇل ءبىر عانا ءارى نەبارى - ەكى ساعاتتىق جيىننان عانا الىنعان ۇزىندىلەر. دەپۋتاتتار تاراپىنان قازاق تىلىندە قويىلعان 12 سۇراقتىڭ تەك بىرەۋىنە عانا «قازاقشا» جاۋاپ الىندى. قالعان 11 ى ورىس تىلىندە. جۋرناليستەر اراسىندا ونسىز دا «قاشقىن مينيستر» اتانعان قاسىموۆ مىرزا، جيىن بىتكەنشە ءبىر ءسوزدى 3-4 رەت قايتالاۋدان تىنبادى.
«وسى ماسەلەنى ناقتىلاپ ايتىپ وتسەڭىز، راحمەت!
- راحمەت سۇراعىڭىزعا. رۇقسات بولسا، ورىسشا جاۋاپ بەرەيىن» ءبىراق، قىرقىنا شىداعان دەپۋتاتتار 41 ىنە شىدامادى. قازاقشا سويلەمەيتىن مەملەكەتتىك قىزمەتكەرلەر دەپۋتات باقىتجان ءابدىرايىمنىڭ نامىسىنا ءتيدى.
«ەلباسى كەشە عانا ءوزىنىڭ ماقالاسىندا تىكەلەي ايتىپ كەتتى عوي، مەملەكەتتىك ءتىلدى قۇرمەتتەۋ تاۋەلسىزدىكتى قۇرمەتتەۋ دەپ. ءبىز بۇعان قازىر شەكتەۋ قويماساق، وسىلاي جالعاسا بەرەدى. سول سەبەپتەن مەنىڭ ءوتىنىشىم، بولاشاقتا بىزگە كەلەتىن لاۋازىمدى قىزمەتكەرلەر مەملەكەتتىك تىلدە سۇراق قويىلسا، سول تىلدە جاۋاپ بەرۋگە تىرىسسىن»، - دەدى ق ر پارلامەنتى ءماجىلىسىنىڭ دەپۋتاتى باقىتجان ءابدىرايىم.
ماجىلىسمەن بەكبولات تىلەۋحان بولسا، مەملەكەتتىك تىلگە نەمقۇرايلى قاراۋ «تەكسىزدىكتىڭ» بەلگىسى دەيدى. قالا بەردى، ونىڭ ءتۇپ توركىنىن «قۇلدىق سانامەن» بايلانىستىرادى.
«ادامنىڭ ءوزىنىڭ ىشىندە ءبىر تەگى مە، تاربيەسى مە، نامىسى ما، تەكتىلىگى مە وسىنداي نارسە بولماسا، مۇنداي نارسەنى ءوزى قوزعاۋ قيىن. نەگىزگى ءبىر سەبەبى، قۇلدىق سانادا جاتىر دەپ ويلايمىن. ويتكەنى، وزىنىكىن قور، وزگەنىكىن زور سانايتىن سانانى - ءبىز وتارلىق سانا دەيمىز. سونىڭ نەگىزى ءالى بىزدە كەتپەگەندىكتىڭ بەلگىسى»، - دەيدى ق ر پارلامەنتى ءماجىلىسىنىڭ دەپۋتاتى بەكبولات تىلەۋحان.
ال قازاق ءتىلىن ءوز تىلىنەن دە ارتىق بىلەتىن دەپۋتات - گەننادي شيپوۆسكيحتىڭ پايىمىنشا، جاعداي جاقسارىپ كەلەدى. دەي تۇرعانمەن، ءاربىر ادام ءوزى تۇرىپ جاتقان قوعامدى سىيلاپ، سوعان لايىق بولۋى كەرەك، دەيدى.
«قازاقستاننىڭ جەرىندە تۇرىپ جاتقاننان كەيىن، ول ءبىلۋ كەرەك. قازاق جەرىندە جۇرگەننەن كەيىن، جالپى مىناۋ قازاقتىڭ جەرىن باسىپ، قازاقتىڭ اۋاسىمەن دەمالىپ جۇرگەننەن كەيىن، ويلانۋ كەرەك»، - دەيدى ق ر پارلامەنتى ءماجىلىسىنىڭ دەپۋتاتى گەننادي شيپوۆسكيح.
ەلىمىز تاۋەلسىزدىك العالى بەرى شيرەك عاسىر ۋاقىت وتسە دە، باياعى جارتاس - سول جارتاس كۇيىندە. ەلىمىزدە قازاق ءتىلىن بىلمەي-اق، كەز كەلگەن جوعارى لاۋازىمداعى «كرەسلوعا» ەمىن-ەركىن جايعاسۋعا بولادى. ويتكەنى، كونستيتۋتسيامىز سولاي دەيدى.
«كونستيتۋتسيامىزعا قايشى كەلەدى. انا ءتىلدى بىلمەسەڭ، سەن جۇمىس ىستەمەيسىڭ دەگەن ءسوزدى ايتا المايمىز. دەمەك، بۇل ماسەلە زاڭمەن عانا رەتتەلمەيدى. ال اتا زاڭىمىزعا وزگەرىس ەنگىزۋ ءۇشىن ۇلكەن سىلكىنىس قاجەت. سوندىقتان، بۇل ماسەلە ازىرگە ءار ادام، ءاربىر شەنەۋنىك بولسىن، ونىڭ سانا-سەزىمى مەن ار- وجدانىنىڭ ەنشىسىندە»، - دەيدى ق ر پارلامەنتى ءماجىلىسىنىڭ دەپۋتاتى بەكبولات تىلەۋحان.