10:51, 28 - قىركۇيەك 2017 | GMT +5
قىرىق جاستاعى ايەل ءوز-وزىنە تۇرمىسقا شىقتى
استانا. قازاقپارات - يتاليالىق لاۋرا مەسي 70 ادامعا ارنالعان ۇيلەنۋ تويىن ۇىمداستىرىپ، ءوز- وزىنە تۇرمىسقا شىقتى.

«قالىڭدىق» اق كويلەك كيگەن، ءۇش قاباتتى ۇيلەنۋ تويى تورتىن قويعان - ءبارى ناعىز ۇيلەنۋ تويىنداعىداي، تەك كۇيەۋ جىگىت جوق.
«مەن ءبىزدىڭ ءارقايسىمىز ەڭ الدىمەن ءوزىمىزدى جاقسى كورۋىمىز كەرەكتىگىنە نىق سەنىمدىمىن. عاجايىپ ەرتەگىنى حانزاداسىز دا جاساۋعا بولادى»، - دەيدى فيتنەس- جاتتىقتىرۋشى بولىپ ىستەيتىن 40 جاستاعى لاۋرا مەسي.
لاۋرانىڭ «كۇيەۋگە شىعۋى» زاڭدىق كۇشكە يە ەمەس. الايدا ونىڭ ارەكەتى - جاڭا بەتالىسقا باعىت العانداي. مۇنداي قالىڭدىقسىز نەمەسە كۇيەۋ جىگىتسىز وتكىزىلەتىن «جەكە- نەكەنىڭ» باستاماشىلارى شارانىڭ ءوزىڭدى جاقسى كورۋگە جانە ءوز- ءوزىڭدى قابىلداۋعا، ۇيلەنگەن جۇپتار سياقتى قوعامدىق قۇرمەتكە يە بولۋعا ارنالعانىن ايتادى.