مەملەكەتتىك «نۇرلى جول» مەن «نۇرلى جەر» باعدارلامالارىنىڭ بارىسى قالاي

استانا. قازاقپارات - قازىنادان قارجى ءبولىپ، شەتەلدەن ينۆەستيسيا تارتىپ، ءوندىرىستى ورگە باستىرۋ ارقىلى حالىقتىڭ قاجەتتىلىگىن قامتاماسىز ەتۋ - مەملەكەتتىك باعدارلامالاردىڭ وزەگى. «بيۋدجەتتەن بولىنەدى» دەگەنىمەن بۇنداي شارۋالاردىڭ جۇگى جەڭىل ەمەس.
None
None

دەگەنمەن، باعدارلامالار اياسىندا وسى كۇنگە دەيىن اتقارىلعان ىستەردى دە از دەۋگە بولماس. سونىڭ ىشىندە قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگى جەتەكشىلىك ەتەتىن سالالار وتە اۋقىمدى. سولاردىڭ قاتارىنداعى يندۋستريالدى- يننوۆاتسيالىق دامۋ مەملەكەتتىك باعدارلاماسىنىڭ ورنى ەرەكشە.

ەلباسى نۇرسۇلتان نازاربايەۆ ەل ەكونوميكاسى شيكىزاتقا يەك ارتپاۋى ءۇشىن وندىرىسكە جاپپاي بەت بۇرىپ، ونەركاسىپ سالاسىن دامىتۋ قاجەتتىگىن ايتىپ كەلەدى. بۇل تۇرعىدا ايتارلىقتاي جوبالار قولعا الىندى. سونىمەن قاتار، «نۇرلى جول» ينفراقۇرىلىمدى دامىتۋ باعدارلاماسى مەن «نۇرلى جەر» تۇرعىن ءۇي قۇرىلىسى باعدارلاماسى دا بۇگىنگى كۇنگى وزەكتى ماسەلەلەردى شەشۋگە باعىتتالعان. وسى ءۇش باعدارلامانىڭ ىسكە اسىرىلۋ بارىسى، بۇگىنگى جەتىستىكتەرى مەن كورسەتكىشتەرى تۋرالى جانە الدا اتقارىلۋى ءتيىس جوبالار جايىندا قر ينۆەستيتسيالار جانە دامۋ ءمينيسترى جەڭىس قاسىمبەكتىڭ پىكىرلەرىن سارالاپ، ۇسىنعاندى ءجون سانادىق.

 وڭدەۋ ونەركاسىبى ەكونوميكا درايۆەرىنە اينالىپ كەلەدى

وڭدەۋ ونەركاسىبى ەكونوميكا ءوسىمىنىڭ نەگىزگى درايۆەرىنە اينالدى، دەگەن جاي ءسوز ەمەس. راسىندا، ونەركاسىپ سالاسىندا ايتارلىقتاي جەتىستىكتەر بار. جىل سايىن وڭدەۋ ونەركاسىبىنىڭ اۋقىمى مەن كورسەتكىشى ارتۋ ۇستىندە. مىسالى، باعدارلامانى جۇزەگە اسىرۋ جىلدارىندا 5,112 تريلليون تەڭگەنىڭ 1070 جوباسى ىسكە قوسىلىپ، 101,4 مىڭ تۇراقتى جۇمىس ورنى اشىلعان. باعدارلاما جوبالارى 8 تريلليون تەڭگەنىڭ ءونىمىن ءوندىردى. كەيىنگى جىلداردى ايتار بولساق، ماسەلەن، 2016 -جىلى 2,2 تريلليون تەڭگەنىڭ ءونىمى شىعارىلعان ەكەن. ال، يندۋستريالاندىرۋ كارتاسىنا ەنگىزىلگەن جوبالار ورتا ەسەپپەن ايتقاندا، اي سايىن 180 ميلليارد تەڭگەنىڭ ءونىمىن ءوندىرىپ وتىرعان. تاعى ءبىر ايتا كەتەتىن جايت، كارتاعا ەنگىزىلگەن جوبالار بۇرىن قازاقستاندا وندىرىلمەگەن 500 جاڭا ءونىم ءتۇرىن يگەردى. ولاردىڭ قاتارىندا جۇك جانە جولاۋشىلار ۆاگوندارى، ەلەكتروۆوزدار، جەڭىل اۆتوكولىكتەر مەن اۆتوبۋستار، ترانسفورماتورلار، رەنتگەن اپپاراتۋرالارى، جارىقديودتى شامدار، تيتان قۇيمالارى مەن سليابتار، دارىلىك زاتتار، ءسۇت ونىمدەرى جانە تاعى باسقالار بار.

2017 -جىلدىڭ العاشقى توقسانىندا وڭدەۋ ونەركاسىبىندەگى ەڭبەك ونىمدىلىگى 11,8 مىڭ ا ق ش دوللارىن قۇراپ، %5,3- عا ارتتى. ال قاڭتار- مامىر ارالىعىندا وڭدەۋ ونەركاسىبىندەگى ەكسپورت كولەمى 2016 -جىلدىڭ وسى كەزەڭىمەن سالىستىرعاندا %27,8 عا ارتىپ، 6,2 ميلليارد دوللاردى قۇرادى. بۇل الەمدىك نارىقتاعى باعا كونيۋنكتۋراسىنىڭ قولايلىلىعىنا، ءونىمدى وتكىزۋ نارىعىنىڭ كەڭەيۋى مەن جەتكىزۋ وسىمىنە بايلانىستى ىسكە اسىرىلىپ وتىر. وڭدەۋ ونەركاسىبىنىڭ نەگىزگى كاپيتالىنا سالىنعان ينۆەستيتسيا كولەمى 411,1 ميلليارد تەڭگەنى قۇرادى. ياعني، 2016 -جىلدىڭ قاڭتار- ماۋسىم ايلارىمەن سالىستىرعاندا 27,5 ميلليارد تەڭگەگە ءوسىپ، %2,7- عا ارتقان.

يندۋستريالاندىرۋ نە بەردى دەگەندە، ەڭ ءبىرىنشى كەزەكتە، جۇمىس ورىندارىنىڭ اشىلۋىن، وسىنىڭ ارقاسىندا حالىقتىڭ الەۋمەتتىك- تۇرمىستىق جاعدايى جاقسارقاعىن اتاپ وتۋگە بولادى. ماسەلەن، يندۋستريالاندىرۋدىڭ ەكىنشى بەسجىلدىعى ىسكە اسىرىلا باستاعاننان بەرى (2015-2016 ج ج. ) 7 تريلليون تەڭگەنىڭ 258 جوباسى ىسكە قوسىلىپ، 21 مىڭ تۇراقتى جۇمىس ورنى اشىلدى. ال، بيىل 489,8 ميلليارد تەڭگەدەن اساتىن 32 جوبا ىسكە قوسىلدى.

مۇندا شامامەن 3,9 مىڭ جۇمىس ورنى اشىلعانىن ايتا كەتۋ كەرەك. 2017 -جىلدىڭ 2- جارتىجىلدىعىندا قۇنى شامامەن 1 تريلليون تەڭگەدەن اساتىن 100 جوبانى ىسكە قوسۋ جوسپارلانعان. بۇل جوبالاردىڭ قاتارىندا پاۆلودار وبلىسىنداعى تەمىرجولعا ارنالعان دوڭگەلەكتەر شىعاراتىن «پرومماشكومپلەكت» ج ش س كەشەنى مەن اليۋمينييدى لەگيرلەيتىن «Giessenhaus» ج ش س، الماتى وبلىسىنىڭ قاپشاعاي قالاسىنداعى ازىق- تۇلىك وندىرەتىن «ماريەۆان فۋد» ج ش س بار. جوبالار ىسكە اسقاندا تاعى 10 مىڭ تۇراقتى جۇمىس ورنى اشىلاتىن بولادى. سونىمەن قاتار، يندۋستريالاندىرۋ كارتاسىنان تىس ارنايى ەكونوميكالىق ايماقتار مەن يندۋستريالدى ايماقتاردا 280 ميلليارد تەڭگەنىڭ 100 دەن استام جوباسىن ىسكە قوسۋ جوسپارلانىپ وتىر. بۇل جوبالار ىسكە قوسىلعان كەزدە 6800 جاڭا جۇمىس ورنى اشىلماق.

«نۇرلى جول» جول قوزعالىسىن جانداندىرادى

قازاقستانداعى اۆتوموبيل جولىنىڭ ۇزاقتىعى 96,5 مىڭ شاقىرىمدى قۇرايدى. ونىڭ ىشىندە رەسپۋبليكالىق جەلى - 23,7 مىڭ، جەرگىلىكتى جەلى 72,8 مىڭ شاقىرىم. 2010 -جىلدان بەرى رەسپۋبليكالىق ماڭىزداعى 5 مىڭ شاقىرىم جولعا كۇردەلى جوندەۋ جۇمىستارى جۇرگىزىلىپ، رەكونسترۋكسيالاندى. ناتيجەسىندە رەسپۋبليكالىق، وبلىستىق جانە اۋداندىق ماڭىزداعى اۆتوموبيل جولدارى جاقسى جانە قاناعاتتانارلىق دەڭگەيگە شىقتى. 2015-2016 -جىلدار كەزەڭىندە «نۇرلى جول» مەملەكەتتىك باعدارلاماسى اياسىندا 616 ميلليارد تەڭگە بولىنگەن بولاتىن. بارلىق بولىنگەن قارجى يگەرىلىپ، 1,3 مىڭ شاقىرىم اۆتوموبيل جولى I جانەⅡتەحنيكالىق سانات پارامەترى بويىنشا رەكونسترۋكسيالاندى.

جالپى، «نۇرلى جول» مەملەكەتتىك باعدارلاماسى اياسىندا اۆتوجول جوبالارىنا 2016 -جىلدىڭ قورىتىندىسى بويىنشا 324,8 ميلليارد تەڭگە ءبولىندى. بۇل قارجىعا رەسپۋبليكانىڭ 12 وبلىسىن قوسقاندا 1,7 مىڭ شاقىرىم جول رەكونسترۋكتسيالاندى. ولاردىڭ قاتارىندا باتىس ەۋروپا - باتىس قىتاي، ورتالىق- وڭتۇستىك، ورتالىق- شىعىس، بەينەۋ- اقتاۋ، الماتى- وسكەمەن، استانا- پەتروپاۆل، اقتوبە- اتىراۋ جانە ورال- كامەنكا جوبالارى بار. بۇل جوبالارداعى جۇمىسقا 75 مىڭ ادام جۇمىلدىرىلدى جانە وندا %90 دان استام وتاندىق وندىرۋشىلەردىڭ ماتەريالدارى قولدانىلدى. ايتا كەتەتىن ءبىر جايت، جىل قورىتىندىسى بويىنشا جوندەۋ جۇمىستارىنان كەيىن 767 شاقىرىم جول اشىلدى. باتىس ەۋروپا - باتىس قىتاي ترانزيتتىك ءدالىزى، تولىعىمەن پايدالانۋعا بەرىلدى. سونداي- اق، ەرتىس وزەنى ارقىلى وتەتىن ۇزاقتىعى 12 شاقىرىم بولاتىن پاۆلودار قالاسىنداعى ورتالىق ازياداعى ەڭ ۇلكەن كوپىردىڭ قۇرىلىسى اياقتالدى.

بيىل «نۇرلى جول» باعدارلاماسىن جۇزەگە اسىرۋ اياسىندا جالپى ۇزاقتىعى 4,4 مىڭ شاقىرىم بولاتىن 22 اۆتوجول جوباسىن ىسكە اسىرۋ كوزدەلگەن. ورتالىق- وڭتۇستىك جوباسى بويىنشا ۇزاقتىعى 14 شاقىرىم بولاتىن تەمىرتاۋ- قاراعاندى ۋچاسكەسىن رەكونسترۋكتسيالاۋ جالعاسۋدا. ءبىز دۇنيەجۇزىلىك جانە ەۋروپالىق بانكتەر قارجىلاندىراتىن ۇزاقتىعى 228 شاقىرىم بولاتىن قۇرتى- بۋرىلبايتال ۋچاسكەسىنىڭ جۇمىسىنا كىرىسىپ كەتتىك. سونداي- اق، بيۋدجەت قارجىسى ەسەبىنەن  Ⅲتوقساننىڭ سوڭىنا دەيىن قاراعاندى قالاسىنىڭ سولتۇستىك- شىعىس اينالما جولى ۋچاسكەسىن رەكونسترۋكتسيالاۋ باستالادى. 2018 -جىلدان باستاپ دۇنيەجۇزىلىك بانك ەسەبىنەن بالقاش- بۋرىلبايتال (297 ك م) ۋچاسكەسىن جانە قۇرتى- قاپشاعاي (67 ك م)، 2019 -جىلى قاراعاندى- بالقاش (364 ك م) ۋچاسكەلەرىندە جۇمىستاردى باستاۋدى جوسپارلاپ وتىرمىز.

بيىل ورتالىق- شىعىس جوباسىن ىسكە اسىرۋعا 106 ميلليارد تەڭگە ءبولىندى. 675 شاقىرىمدا جۇمىس جۇرگىزىلدى جانە جىلدىڭ سوڭىندا استانا- پاۆلودار ۋچاسكەسىنىڭ 230 شاقىرىمىندا جولدىڭ 4 جولاقتى قوزعالىسىن اشۋ جوسپارلانعان. سونىمەن بىرگە، ۇزاقتىعى 36 شاقىرىم بولاتىن سوڭعى ۋچاسكە - سەمەي- قالباتاۋ بولىگىندەگى جۇمىس اياقتالادى.

ال، ورتالىق- باتىس جوباسى بويىنشا 2020 -جىلعا دەيىن دەنيسوۆكا- قوستاناي (114 ك م) ۋچاسكەسىن اياقتاۋ جوسپارلانۋدا. بۇدان بولەك، مينيسترلىك ۇزاقتىعى 2 مىڭ شاقىرىم بولاتىن جەتىباي- جاڭاوزەن، تالدىقورعان- وسكەمەن، مەركى- بۋرىلبايتال، قالباتاۋ- مايقاپشاعاي، ءۇشارال- دوستىق، بەينەۋ- اقجىگىت، تاسكەسكەن- باقتى، وسينوۆاسۋى، شۋچە-زەرەندى سياقتى جاڭا جوبالاردى ىسكە اسىرۋعا كىرىستى.

ىسكە اسىرىلعان جوبالار بويىنشا ءبىرىنشى جارتىجىلدىقتا 112 ميلليارد تەڭگە يگەرىلدى جانە بۇل جوبالارعا 80 مىڭ ادام جۇمىلدىرىلدى. جىل قورىتىندىسى بويىنشا باعدارلاما شەڭبەرىندە 1 جانە 2 تەحنيكالىق ساناتتاعى 602 شاقىرىم جولدى اياقتاۋ جوسپارلانىپ وتىر، سونىڭ ىشىندە بەينەۋ- اقتاۋ جانە الماتى- تالدىقورعان اۆتوجولىنىڭ رەكونسترۋكتسياسىن تولىق اياقتاۋ كوزدەلگەن.

بۇدان بولەك، «نۇرلى جول» باعدارلاماسى اياسىندا ىسكە قوسىلعان قۇرىق پورتىنىڭ تەمىرجول پارومدىق كەشەنىندە جىل باسىنان بەرى 760 مىڭ توننا جۇك اۋىستىرىلىپ تيەلدى. تيەلگەن جۇكتەردىڭ نەگىزگى تۇرلەرى - مۇناي ونىمدەرى، حالىق تۇتىناتىن تاۋارلار، حيميكاتتار، قوندىرعىلار مەن مەتالل ونىمدەرى.

ال، جىل سوڭىنا دەيىن اتالمىش تەرمينال ارقىلى شامامەن 1 ميلليون توننا جۇكتى اۋىستىرىپ تيەۋ جوسپارلانۋدا. «قورعاس- شىعىس قاقپاسى» ارنايى ەكونوميكالىق ايماعىنداعى «قۇرعاق پورت» پايدالانۋعا بەرىلگەننەن بەرى 219,5 مىڭ كونتەينەر وڭدەلدى. قازىرگى ۋاقىتتا «قورعاس - شىعىس قاقپاسى» ارنايى ەكونوميكالىق ايماعىندا 76 قاتىسۋشى تىركەلگەن جانە 350-گە جۋىق جۇمىس ورنى اشىلدى.

سونداي- اق، تەمىرجول سالاسى بويىنشا الماتى- شۋ ۋچاسكەسىندە ۇزاقتىعى 112,37 شاقىرىم بولاتىن ەكىنشى جولدىڭ قۇرىلىس جوباسى ىسكە اسىرىلۋدا. بۇدەن بولەك، وتكەن جىلى ۇزاقتىعى 14 شاقىرىم بولاتىن بورجاقتى - ەرساي تەمىرجول جەلىسى پايدالانۋعا بەرىلدى. ول قۇرىق پورتىن تەمىرجول ماگيسترالدى جەلىسىمەن قوسادى. پايدالانۋعا بەرىلگەن كۇننەن باستاپ تەمىرجول جەلىسى ارقىلى 500 مىڭ توننا قۇرىلىس جۇكتەرى تاسىمالداندى. سونىمەن قاتار، استانا قالاسى اۋەجايىنىڭ جاڭا جولاۋشىلار تەرمينالى قۇرىلىسىنىڭ اياقتالىپ، پايدالانۋعا بەرىلگەنىن جاقسى بىلەسىزدەر. بۇلاردان باسقا دا جوبالار بار.

 «نۇرلى جەر» اياسىندا 2031 -جىلعا دەيىن 1,5 ميلليون ادام باسپانالى بولادى

«نۇرلى جەر» - ەكونوميكالىق ءوسىمدى عانا ەمەس، حالىقتىڭ مۇقتاجدىعىن شەشۋدى ماقسات ەتەدى. ەلباسى نۇرسۇلتان نازاربايەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا ەكونوميكانىڭ تولىققاندى درايۆەرى رەتىندە قۇرىلىس سەكتورىن ودان ءارى دامىتۋ مىندەتىن جۇكتەگەن بولاتىن. مەملەكەت باسشىسى ۇكىمەتكە جاڭا «نۇرلى جەر» تۇرعىن ءۇي قۇرىلىسىنىڭ باعدارلاماسىنا ەرەكشە نازار اۋدارۋدى تاپسىردى.

«نۇرلى جەر» 2017-2031 -جىلدارعا ارنالعان. نەگىزگى ماقساتى حالىققا تۇرعىن ءۇيدىڭ قولجەتىمدىلىگىن قامتاماسىز ەتۋ ءۇشىن تۇرعىن ءۇي قۇرىلىسىن دامىتۋ ماسەلەلەرىن كەشەندى شەشۋ. جالپى، 15 -جىلدا «نۇرلى جەر» باعدارلاماسى بويىنشا 1,5 ميلليونعا جۋىق قولجەتىمدى تۇرعىن ءۇي سالۋ جوسپارلانعان.

بيىلعى جىلدىڭ جوسپارىنا سايكەس «نۇرلى جەر» باعدارلاماسى اياسىندا 10,1 ميلليون شارشى مەتردەن استام تۇرعىن ءۇيدى (99 مىڭ پاتەر) پايدالانۋعا بەرۋ كۇتىلىپ وتىر. ونىڭ ىشىندە مەملەكەتتىك ينۆەستيتسيا ەسەبىنەن 1,5 ميلليون شارشى مەتر تۇرعىن ءۇي (25 مىڭ پاتەر) تاپسىرىلماق. بيىل 8 ايدا بارلىق قارجىلاندىرۋ كوزدەرىنەن جالپى الاڭى 6,9 ميلليون شارشى مەتر بولاتىن تۇرعىن ۇيلەر پايدالانۋعا بەرىلدى. بۇل 2016 -جىلدىڭ سايكەس كەزەڭىمەن سالىستىرعاندا %8,4 عا جوعارى كورسەتكىش.

جالپىلاما ايتساق، 2016-2018 -جىلدارى جالپى اۋماعى 588,7 مىڭ شارشى مەتر بولاتىن تۇرعىن ءۇي سالىناتىن بولادى. بيىل جىل سوڭىنا دەيىن 140,6 مىڭ شارشى مەتر (2431 پاتەر)، 2018 -جىلى 70,6 مىڭ شارشى مەتر تۇرعىن ءۇيدى (1225 پاتەر) پايدالانۋعا بەرۋ جوسپارلانۋدا.

باعدارلاما اياسىندا سالىنعان تۇرعىن ۇيلەردى ساتىپ الۋدى قامتاماسىز ەتۋ ءۇشىن قازاقستان تۇرعىن ءۇي قۇرىلىسى جيناق بانكى سالىمشىلارىن نەسيەلەۋ ماقساتىندا ۇلتتىق قوردان 22 ميلليارد تەڭگە ءبولىندى. ونىڭ 8,9 ميلليارد تەڭگەسى نەمەسە %40 ى يگەرىلدى. استانا، الماتى قالالارىندا جانە شىعىس قازاقستان وبلىستارىندا اۋماعى 306,4 مىڭ شارشى مەتر (6048 پاتەر) بولاتىن 7 جوبانىڭ قۇرىلىسى ءجۇرىپ جاتىر. بۇل قۇرىلىستار 2018 -جىلدىڭ ناۋرىز- ماۋسىم ايلارىندا اياقتالادى.

بيىل ساتىپ الۋ قۇقىعىنسىز جالعا بەرىلەتىن تۇرعىن ۇيلەردىڭ قۇرىلىسىنا 25 ميلليارد تەڭگە ماقساتتى ترانسفەرت ءبولىندى جانە وڭىرلەرگە 1,5 ميلليارد تەڭگەدەن تاراتىلدى. وڭىرلەرگە اۋدارىلعان 14,3 ميلليارد تەڭگە قارجىنىڭ 1 -قىركۇيەكتەگى ەسەپ بويىنشا، 13,3 ميلليارد تەڭگەسى نەمەسە %93 ى يگەرىلدى. بيىل بۇل باعىتتا 150 مىڭ شارشى مەتر تۇرعىن ءۇيدى تاپسىرۋ جوسپارلانۋدا.

تۇرعىن ءۇي قۇرىلىسى ءجۇرىپ جاتقان اۋداندارعا، سونىڭ ىشىندە جەكە تۇرعىن ءۇي سالىنىپ جاتقان جەرلەرگە ينجەنەرلىك كوممۋنيكاتسيا تارتۋعا بيىل رەسپۋبليكالىق بيۋدجەتتەن 83,4 ميلليارد ماقساتتى ترانسفەرت ءبولىندى. 1 -قىركۇيەكتەگى ەسەپ بويىنشا وڭىرلەرگە اۋدارىلعان 51,1 ميلليارد تەڭگەنىڭ 46,1 ميلليارد تەڭگەسى نەمەسە %90,3 ى يگەرىلدى. بۇل قارجىعا 3633 شاقىرىم جەلى تارتۋ جوسپارلانعان بولاتىن. قازىرگى ۋاقىتتا ونىڭ 1435,9 شاقىرىمى تارتىلدى. مۇندا 60 مىڭ جەكە تۇرعىن ءۇي قۇرىلىسى سالىناتىن جەر ۋچاسكەلەرىن قامتۋ كوزدەلگەن.

جەكە قۇرىلىس سالۋشىلاردى ىنتالاندىرۋ اياسىندا جىل سايىن 3 جىل قاتارىنان جەكە قۇرىلىس سالۋشىلاردى نەسيەمەن سۋبسيديالاۋ ءۇشىن 11 ميلليارد تەڭگەدەن ءبولۋدى قاراستىرىپ وتىرمىز. قازىرگى تاڭدا بانكسەنتركرەديت، ا ت ف بانك، سبەربانك، نۇربانك، ەۆرازيالىق بانك، كازكوممەرتسبانك جانە سەسنابانك قۇرىلىس كومپانيالارىنا تۇرعىن ءۇي سالۋ ءۇشىن كرەديت بەرۋ جونىندەگى جوبالارعا قاتىساتىندارىن راستادى.

جالپى «نۇرلى جەر» باعدارلاماسى بويىنشا 2031 -جىلعا دەيىن 1,5 ميلليون ادام جەكە باسپاناعا يە بولاتىنىن جوعارىدا ايتىپ ءوتتىم. ولاردىڭ 500 مىڭنان استامى تاياۋ بەس جىلدىڭ ىشىندە باسپانالارىن الاتىندىعى كۇتىلەدى. اتالعان باعدارلاما اياسىندا جەكە تۇرعىن ءۇي قورىنا 10 سوتىق كولەمىندە 664000 جەر تەلىمى بەرىلەتىن بولادى. ازاماتتار قازاقستان يپوتەكالىق كومپانياسى مەن قازاقستاننىڭ تۇرعىنۇيقۇرىلىسجيناقبانكى ارقىلى 35000 ارەندالىق باسپانا، 280000 نەسيەلىك ءۇي الادى. سونىمەن بىرگە، 521000 كوممەرتسيالىق تۇرعىن ءۇي يپوتەكا ارقىلى بەرىلەتىن بولادى. وسىلايشا حالىقتىڭ تۇرعىن ۇيگە قولجەتىمدىلىگىن قامتاماسىز ەتۋ ماسەلەسى بىرتىندەپ شەشىلە بەرەتىن بولادى.

سوڭعى جاڭالىقتار