رەسەي پاتشاسىنىڭ كوڭىلدەسى تۋرالى اتىشۋلى فيلم قازاقستاندا كورسەتىلەتىن بولدى

بۇل تۋارلى بۇگىن استانادا وتكەن مادەنيەت جانە سپورت مينيسترلىگىڭ شەنەۋنىكتەرى مەن ءدىن ىستەرى جانە ازاماتتىق قوعام مينيسترلىگىنىڭ ساراپشىلارىنا ارنالعان فيلم كورسەتىلىمىنەن كەيىن بەلگىلى بولدى دەپ حابارلايدى NUR. KZ.
كورسەتىلىم «مەلومان-كينوپروكات» كومپانياسىنىڭ ۇيىمداستىرۋىمەن جاسالعان.
«فيلمدى قازاقستاندا كورسەتۋ تۋرالى شەشىم كارتينانى قاراپ، كونتەنتتى تۇسىنگەن سوڭ عانا قابىلداندى. «ماتيلدا» توڭىرەگىندە تۋىنداعان داۋ-دامايدىڭ بۇعان اسەر ەتپەگەنىنە قۋانىشتىمىن. ارينە، بۇل - وتباسىلىق ەمەس، اۋقىمدى ويلاي الاتىن اۋديتورياعا ارنالعان فيلم»، - دەيدى «مەلومان» كومپانياسىنىڭ باس ديرەكتورى ۆاديم گولەنكو.
اتالمىش فيلم قازاقستان كينوتەاترلارىنىڭ بارلىعىندا كورسەتىلەدى دەپ جوسپارلانعان. وعان 16+ جاس شەكتەۋ قويىلادى.
«ماتيلدا» دراماسى تسەساريەۆيچ نيكولاي الەكساندروۆيچ پەن بالەرينا ماتيلدا كسەزينسكايانىڭ قارىم-قاتىناسى تۋرالى اڭگىمەلەيدى.