جۋرناليستىك ەتيكا قاعيداتتارىن كۇشەيتۋ اسا قاجەت - داۋرەن ابايەۆ

«ول نورمادا كوزدەلگەنى - وبەكتيۆتىلىك، زاڭدىلىق، شىنايىلىق، ازاماتتاردىڭ جەكە ءومىرىن، ار-نامىسىن، ابىرويىن قۇرمەتتەۋ. اتاپ ايتۋ كەرەك، وسى نورمانى ورىنداماعانى ءۇشىن جازا جوق. سوعان قاراماستان، كەيبىر ب ا ق وكىلدەرى بۇل نورمانى زاڭعا ەنگىزۋدىڭ قاجەتى جوق دەپ ءجۇر. ءبىز مۇنىمەن كەلىسپەيمىز»، - دەيدى مينيستر.
داۋرەن ابايەۆ اتالعان نورمانى ەنگىزۋدىڭ ماڭىزدىلىعىن ناقتى مىسالمەن كەلتىردى.
«وتكەن جىلى الماتىدا بولعان تەراكتىنى ەسكە الايىق. وزدەرىڭىز بىلەسىزدەر، ساناۋلى ۋاقىت ىشىندە الەۋمەتتىك جەلىدە قانشاما جالعان اقپارات تاراپ كەتتى. ءبىزدىڭ كەيبىر سايتتارىمىز سەنساتسيا قۋىپ، سول اقپاراتتى تەكسەرمەي، جاريالاپ جىبەردى. ءسويتىپ ەل ىشىندە ۇرەي تۋعىزدى. بۇل جاعداي قۇقىق قورعاۋ ورگاندارىنىڭ جۇمىسىنا كەدەرگى كەلتىردى. ءاربىر اقپاراتتى تەكسەرۋ ءۇشىن قانشاما ۋاقىت، قانشاما كۇش جۇمسالدى. وسىنىڭ بارلىعى كەيبىر ارىپتەستەرىمىزدىڭ ءوز جۇمىسىنا كاسىبي تۇرعىدان قاراماۋىنان تۋىندادى. سوندىقتان دا، جۋرناليستىك ەتيكا قاعيداتتارىن كۇشەيتۋ اسا قاجەت دەپ ويلايمىن. وسى تۇرعىدان كەلگەندە بۇل، ەڭ الدىمەن، جۋرناليستەردىڭ بەدەلىن ارتتىرۋعا جاسالعان قادام»، - دەپ ءتۇيدى داۋرەن ابايەۆ.
اۆتور: ايان بەكەن ۇلى