قازاقستان حالقى تۇڭعىش پرەمەر- مينيستر ۇزاقباي قارامانوۆپەن قوشتاستى

الماتى. قازاقپارات - الماتىدا م. اۋەزوۆ اتىنداعى مەملەكەتتىك اكادەميالىق دراما تەاترىندا قاز ك س ر تۇڭعىش پرەمەر- ءمينيسترى، بەلگىلى مەملەكەتتىك قايراتكەر ۇزاقباي قارامانوۆتى باقيلىق ساپارعا شىعارىپ سالۋ ءراسىمى ءوتتى.
None
None

قارالى جيىنعا زيالى قاۋىم وكىلدەرى، الماتى اكىمى باۋىرجان بايبەك، مينيسترلەر، دەپۋتاتتار قاتىستى. قالا اكىمى باۋىرجان بايبەك مارقۇمنىڭ قازاسى بۇكىل قازاق قوعامىنىڭ قابىرعاسىنا باتقانىن ايتا كەلىپ، پرەزيدەنتتىڭ جەدەلحاتىن وقىپ بەردى.

 «ۇزاقباي قارامان ۇلى بۇكىل عۇمىرىن حالقى مەن تۋعان ەلىنىڭ ءوسىپ- وركەندەۋىنە ارنادى. ول ءوزىنىڭ زور ۇيىمداستىرۋشىلىق قابىلەتى مەن قوعامداعى بەدەلىنىڭ ارقاسىندا كوپتەگەن جوعارى لاۋازىمدى مەملەكەتتىك قىزمەتتە بولىپ، وزىنە جۇكتەلگەن مىندەتتەردىڭ بارلىعىن ابىرويمەن اتقارا ءبىلدى»، - دەدى قالا باسشىسى.

شاھار باسشىسى قازاقستاندىقتار ونىڭ ەسىمى مەن ەل الدىنداعى ەڭبەگىن ءاردايىم ەستە ساقتايتىنىن ءارى ونىڭ قازاسى قازاق حالقى ءۇشىن اۋىر تيگەنىن اتاپ ءوتتى.

 ايتا كەتۋ كەرەك، كورنەكتى قوعام قايراتكەرى 25 - قىركۇيەكتە 80 جاسىنا قاراعان شاعىندا دۇنيەدەن وزعان بولاتىن.

 ۇزاقباي قارامان ۇلى قارامانوۆ 1937 -جىلدىڭ 20 - تامىزى كۇنى  قىزىلوردا وبلىسى ارال اۋدانىنىڭ ۇيالى اۋىلىندا دۇنيەگە كەلگەن. قاز س ر و مينيسترلەر كەڭەسىنىڭ سوڭعى ءتوراعاسى جانە قاز ك س ر تۇڭعىش پرەمەر- ءمينيسترى. 1959 -جىلى كۋيبىشيەۆ (سامارا) قالاسىنداعى ينجەنەرلىك قۇرىلىس ينستيتۋتىن بىتىرگەن؛ 1959-64 -جىلدارى شۇبارقۇدىق اۆتوبازاسىندا، «قىزىلوردا قۇرىلىس» ترەسىندە جۇمىس ىستەدى؛

 1964 - 80 -جىلدارى «الماتى ونەركاسىپ قۇرىلىسى» ترەسىندە اعا پروراب، كومبينات ديرەكتورى، قازاقستان كومپارتياسى وك- ءنىڭ ءىس باسقارماسىنىڭ قىزمەتكەرى، جەڭىل جانە تاماق كاسىپورىندارى قۇرىلىسى باسقارماسىنىڭ باستىعى، قازاق ك س ر اۋىر ونەركاسىپ مينيسترلىگىنىڭ الماتى قۇرىلىس باس باسقارماسىنىڭ جانە قۇرىلىس يندۋسترياسى باس باسقارماسىنىڭ باستىعى؛

 1980 - 84 -جىلدارى قازاق ك س ر جەڭىل ونەركاسىپ مينيسترلىگىنىڭ ورىنباسارى، «قازاقتىڭ سۋ تاسقىندارىنان قورعانۋ قۇرىلىسى» باس باسقارماسىنىڭ باستىعى؛

 1984 - 89 -جىلدارى قازاق ك س ر قۇرىلىس مينيسترلىگىنىڭ ءبىرىنشى ورىنباسارى، قازاق ك س ر مەملەكەتتىك جابدىقتاۋ كوميتەتىنىڭ ءتوراعاسى قىزمەتتەرىن اتقارعان؛ 1989 - 90 -جىلدارى قازاق ك س ر مينيسترلەر كەڭەسىنىڭ ءتوراعاسى؛

 1990 - 92 -جىلدارى قازاق ك س ر پرەمەر- ءمينيسترى بولدى؛ 1991 -جىلدىڭ قازان ايىنان - ق ر مەملەكەتتىك كەڭەسشىسى؛ 1993 -جىلدىڭ ءساۋىر ايىنان - ارالدى قۇتقارۋ حالىقارالىق قورىنىڭ اتقارۋشى ديرەكتورى؛ 1994 -جىلدىڭ ناۋرىز ايىنان - دەپۋتات، ق ر جوعارعى كەڭەسى تابيعاتتى پايدالانۋ جانە ەكولوگيا كوميتەتىنىڭ ءتوراعاسى، «قازاقستان حالىقتىق كونگرەسى» پارتياسىنان ۇسىنىلعان؛ 1995 -جىلدىڭ ءساۋىر ايىنان - «قازكونتراكت» رەسپۋبليكالىق كەلىسىمشارت كورپوراتسياسىنىڭ ۆيتسە- پرەزيدەنتى؛

 1998 -جىلدىڭ ءساۋىر ايىنان - «قوماق- ينۆەست» قارجىلاي- كاسىپشىلىك توبىنىڭ پرەزيدەنتى. ونىمەن ءبىر مەزگىلدە - قر قۇرىلىسشىلار وداعىنىڭ پرەزيدەنتى؛ 1999 -جىلدىڭ قازان ايىنان - قر پارلامەنتى ءماجىلىسى 2- شاقىرىلىمىنىڭ دەپۋتاتى (№37  قىزىلوردا وبلىسىنىڭ ارالماڭى سايلاۋ وكرۋگىنەن، «وتان» ر س پ اتىنان). ايماقتىق دامىتۋ جانە ەكونوميكالىق قايتا قۇرۋ كوميتەتىنىڭ مۇشەسى؛

 2004 -جىلدىڭ قازان ايىنان 2007 -جىلعا دەيىن - ق ر پارلامەنتى ءماجىلىسى 3- شاقىرىلىمىنىڭ دەپۋتاتى؛ قازكسر جوعارعى كەڭەسىنىڭ 11، 12، 13- شاقىرىلىمدارىنىڭ دەپۋتاتى قىزمەتىن اتقارعان. قازاقستان قۇرىلىسشىلار وداعىنىڭ نەگىزىن سالۋشى. II دارەجەلى «بارىس» ، ەڭبەك قىزىل تۋ وردەندەرىمەن؛ قاز ك س ر جوعارعى كەڭەسىنىڭ مەدالدارىمەن، قازاقستان رەسپۋبليكاسىنىڭ مەرەيتولىق مەدالدارىمەن، قاز ك س ر جوعارعى كەڭەسىنىڭ قۇرمەت گراموتالارىمەن ماراپاتتالعان. ك س ر و مينيسترلەر كەڭەسى سىيلىعىنىڭ، ەۋروپا قورشاعان ورتانى قورعاۋ وبلىستىق «التىن گلوبۋس» سىيلىعىنىڭ لاۋرەاتى.  قىزىلوردا وبلىسىنىڭ قۇرمەتتى ازاماتى.

اۆتور: گۇلميرا عوسمانالي
Қазақстан халқы тұңғыш премьер-министр Ұзақбай Қарамановпен қоштасты


Қазақстан халқы тұңғыш премьер-министр Ұзақбай Қарамановпен қоштасты

سوڭعى جاڭالىقتار