قالمۇحانبەت قاسىموۆ بەيجىڭگە باردى

ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆتىڭ ايتۋىنشا، مينيستر قاسىموۆ اسسامبلەيا جۇمىسىنا قاتىسۋمەن قاتار ق ح ر قوعامدىق قاۋىپسىزدىك ءمينيسترى گو شەنكۋنمەن كەزدەسىپ، ەكى ەلدىڭ اراسىنداعى ىنتىماقتاستىق ماسەلەلەرىن تالقىلاعان.
«سونىمەن قاتار قالمۇحانبەت قاسىموۆتىڭ رەسەي فەدەراتسياسى ىشكى ىستەر ءمينيسترى ۆ. كولوۋولسيەۆپەن، تاجىكستان ىشكى ىستەر ءمينيسترى ر. راحيمزودامەن، مولدوۆا ىشكى ىستەر ءمينيسترى ا. جيزدانمەن ەكىجاقتى كەزدەسۋى جوسپارلانعان. جۇزدەسۋلەر بارىسىندا قىلمىسپەن كۇرەس سالاسىنداعى، ونىڭ ىشىندە ينتەرپول اياسىنداعى ءوزارا ءىس-قيمىلداردى ودان ارى نىعايتۋ ماسەلەلەرى تالقىلاناتىن بولادى»، - دەدى ا. سادۋبايەۆ.
ايتا كەتەرلىگى، حالىقارالىق قىلمىستىق پوليتسيا ۇيىمى اسسامبلەياسىنىڭ 86- وتىرىسىنىڭ اشىلۋىنا ق ح ر ءتوراعاسى شي جينپين مەن ينتەرپول باس حاتشىسى يۋرگەن شتوك قاتىسىپ، ءسوز سويلەگەن. وتىرىستا ينتەرپولدى دامىتۋ كەلەشەگى، سونىمەن قاتار مۇشە مەملەكەتتەردىڭ قۇقىق قورعاۋ ورگاندارىنىڭ قىلمىسكەرلەردى ىزدەۋدەگى ىنتىماقتاستىعى، ترانسشەكارالىق ۇيىمداسقان قىلمىسقا قارسى تۇرۋ، حالىقارالىق تەرروريزم مەن كيبەرقىلمىسپەن كۇرەس ماسەلەلەرى جان-جاقتى تالقىلانعان.