الماتىلىق اعاسى مەن قارىنداسى ءولى رۋحتارمەن تىلدەسىپ ءجۇر

قاتىسۋشىلار اراسىندا قازاقستاندىق جان جانە دانا الىبەكوۆتار دا بار.
بۇل تۋرالى «ستارحيت» حابارلايدى.
جان قايتىس بولعان ەرەسەك ادامدارمەن بايلانىسسا، دانا ءسابي بالالاردىڭ ارۋاعىمەن تىلدەسەدى.
«جاسىم التىعا تولعان كەزدە كورشى ۇيگە بارىپ «ساشا اعاي، سەن جاقىندا ولەسىڭ» دەپ ايتا بەرەتىنمىن. ءتۇبى ءبارىمىزدىڭ ولەتىنىمىز انىق عوي. ءبىراق، مەن سولاي دەپ ايتا بەردىم. ءبىر ايدان سوڭ ساشا اعاي ينفاركت الىپ، كوز جۇمدى»، - دەيدى 35 جاستاعى كورىپكەل.
جاننىڭ جاسى ونعا كەلگەندە اعاسى قايتىس بولعان. جەرلەۋ ءراسىمى كەزىندە زيراتتاردى ارالاپ كەتكەن بالا قابىرلەردىڭ بىرىنە تاپ بولادى. «تاسقىن كەسىرىنەن قابىردى سۋ باسىپ كەتكەن. قانشا ۋاقىت ەس-ءتۇسسىز جاتقانىمدى بىلمەيمىن، ءبىراق مەنى تۇرۋىما ادامدار كومەكتەستى. سوسىن بارىپ ولاردىڭ رۋحتار ەكەنىن ءتۇسىندىم»، - دەيدى الىبەكوۆ.
دانا ءوزىنىڭ وسىنداي قاسيەتى بار ەكەنىن تەك ەسەيگەن كەزدە بارىپ تۇسىنگەن.
«مەن گينەكولوگ بولىپ جۇمىس ىستەيمىن. بۇل ماماندىقتى دارىگەر بولىپ ىستەيتىن انامنىڭ قۇربىسى ارقىلى تاڭدادىم. تاتيانا اپكە انام ماعان ەكىقابات بولعان كەزدە ابورت جاساتپاۋدى، ءسابيدى ومىرگە اكەلۋگە ءوتىنىپتى. ول كەزدە انامدا اقشا بولماعاندىقتان تۇسىك تاستاماق بولعان ەكەن. ەمدەلۋشىنى قاراپ جاتىپ دارىگەرلەر بالانىڭ داۋىسىن ەستىگەن. ءبارى سودان باستالعان»، - دەيدى بالگەر.