يۆان دىچكونىڭ كاسىپقوي رينگتەگى العاشقى قارسىلاسى بەلگىلى بولدى

استانا. قازاقپارات - اۋىر سالماقتا جۇدىرىقتاساتىن قازاقستاندىق بوكسشى يۆان دىچكو كاسىپقوي بوكستاعى العاشقى جەكپە-جەگىندە امەريكالىق بوكسشىمەن قولعاپ تۇيىستىرەدى، دەپ حابارلايدى قازاقپارات.
None
None

BoxRec پورتالىنداعى اقپاراتتارعا سايكەس، وتانداسىمىز 29- قىركۇيەكتە ا ق ش- تىڭ دالاس قالاسىندا 34 جاستاعى امەريكالىق ەيبۋر رايتپەن جۇدىرىقتاسادى. رايت بۇعان دەيىن ءۇش كەزدەسۋ وتكىزىپ، 1 رەت جەڭىلىس تاپقان.

ايتا كەتەيىك، يۆان دىچكو - وليمپيادا ويىندارىنىڭ ەكى مارتە قولا جۇلدەگەرى، الەم چەمپيونى، ءۇش مارتە قازاقستان چەمپيونى، قازاقستان رەسپۋبليكاسىنىڭ ەڭبەك سىڭىرگەن سپورت شەبەرى.

دىچكو ريو وليمپياداسىنان كەيىن كاسىپقوي بوكسقا اۋىسقانىن جاريالاعان بولاتىن. 2017-جىلعى ماۋسىمدا ول امەريكالىق The Heavyweight Factory كومپانياسىمەن كەلىسىمشارتقا وتىردى.

اۆتور: مۇحتار قاليموللا ۇلى

سوڭعى جاڭالىقتار