قازاقستانداعى قويمالارعا گاز سىيماي جاتىر

استانا. قازاقپارات - الداعى ۋاقىتتا «قازترانس گاز» كومپانياسى تاعى ءبىر گاز قويماسىن اشۋدى جوسپارلاپ وتىر، دەپ حابارلايدى قازاقپارات ءتىلشىسى.

«قاز ترانس گاز» ا ق ترانسفورماتسيا جانە دامۋ جونىندەگى باس ديرەكتورىنىڭ ورىنباسارى ەرقانات تەمىرحانوۆتىڭ ايتۋىنشا، الداعى ۋاقىتتا كومپانيانىڭ ەنشىلەس كاسىپورنى - «امانگەلدى گازدا» شيكىزاتتى ءوندىرۋ كولەمىن جىلىنا 500 ميلليون تونناعا دەيىن جەتكىزۋ جوسپارلانىپ وتىر. «اتالعان كومپانيا جامبىل وبلىسىندا ورنالاسقان. ەندى، 2018-2024 -جىلدارعا دەيىن گاز سالاسىن دامىتۋ اياسىندا ءبىز «امانگەلدى گازدى» شيكىزاتتىق بازا رەتىندە عانا ەمەس، ءىرى گاز قويماسى رەتىندە پايدالانۋدى كوزدەپ وتىرمىز. سەبەبى قازىردىڭ وزىندە «پولتوراتسكوە»، «اقىرتوبە» مەن «بوزوي» بارلىق شيكىزاتتى سىيعىزدىرا الماي جاتىر»، - دەيدى تەمىرحانوۆ.

ونىڭ ايتۋىنشا، الداعى ۋاقىتتا قىتايعا گازدى تاسىمالداۋ كولەمىن ارتتىرۋ اياسىندا «امانگەلدى گازدى» وڭتۇستىكتىڭ تاعى ءبىر ءىرى گاز قويماسى رەتىندە پايدالانۋ اسا ماڭىزدى.

ايتا كەتەيىك، قازىرگى كەزدە قازاقستاندا ءۇش جەراستى گاز قويماسى بار. «پولتوراتسكوە» مەن «اقىرتوبە» وڭتۇستىكتە ورنالاسسا، اقتوبە وبلىسىندا «بوزوي» قويماسى بار. ۇشەۋىنە 4,65 ميلليارد كۋب مەتر گاز سىيادى.

اۆتور: ارمان اسقاروۆ