گەرمانيادا مەركەلدىڭ پارتياسى سايلاۋدا جەڭىسكە جەتتى

بەرلين. قازاقپارات - فرگ كانسلەرى انگەلا مەركەل باسقاراتىن ح د س/ح س س كونسەرۆاتيۆتىك بلوگى پارلامەنت سايلاۋىندا 32,5 پايىزبەن كوش باستادى.

ەكزيت-پولل وسىنداي ناتيجە كورسەتتى، دەپ حابارلايدى قازاقپاراتتىڭ مەنشىكتى ءتىلشىسى.

مارتين شۋلتس جەتەكشىلىك ەتەتىن گەرمانيانىڭ سوتسيال-دەموكراتيالىق پارتياسى سايلاۋدا %20 داۋىس جينادى.

«گەرمانيا ءۇشىن التەرناتيۆا» اتتى ۋلتراوڭشىل پارتيا 13,5 پايىزبەن العاش رەت بۋندەستاگقا ءوتتى. بۇل كولەمى جاعىنان بۋندەستاگتاعى ءۇشىنشى كۇشكە اينالدى. سولارمەن بىرگە بەس پايىزدىق شەكتى داۋىستى جيناعاندار - «ازات دەموكراتيالىق پارتيا» - %10,5، «جاسىلدار» - %9,5 جانە «سولشىلدار» - %9.

سايلاۋ قورىتىندىسى بويىنشا بۋندەستاگتا باسقارۋشى كواليتسيا قالىپتاستىرىلىپ، كانسلەر تاعايىندالادى.