08:22, 25 - قىركۇيەك 2017 | GMT +5
قازاقستاننىڭ فۋتبولشى قىزدارى فرانسيا قۇراماسىنان ويسىراي ۇتىلدى
استانا. قازاقپارات - قازاقستاننىڭ فۋتبولدان 17 جاسقا دەيىنگى قىزدار اراسىنداعى قۇراماسى ەۋروپا بىرىنشىلىگىنە ىرىكتەۋ تۋرنيرىندە فرانسيادان ۇتىلدى، دەپ حابارلايدى Sports.kz.
ماتچ فرانسيانىڭ ايقىن باسىمدىعىمەن اياقتالدى، ەسەپ 12:0.
ايتا كەتەرلىگى ءبىرىنشى تايمدا توعىز دوپ سالىندى. مادلەن روت پوكەر جاسادى، دۋبل جاساعاندار - مالوري كرافف پەن كەسسيا بيۋسسي، سونىمەن بىرگە سارا زاحو، يۋليا ديۋفۋر، كلارا مورەيرا پەن حلوە سۋبەتا گول سالدى. وسى توپتا قازاقستاندىق فۋتبولشى قىزداردىڭ قارسىلاستارى دانيا مەن ۋەلس قۇرامالارى.
ولار ءوزارا ويناپ، دانيالىقتار 2:0 ەسەبىمەن جەڭىسكە جەتتى. كەلەسى ماتچتى قازاقستان قۇراماسى 27- قىركۇيەكتە دانياعا قارسى وتكىزەدى.
