سەمەيدە «الاش ارىستارى - مۇحتار اۋەزوۆ» مۇراجايىنىڭ جاڭا ەكسپوزيتسياسى اشىلدى - فوتو
جاڭا ەكسپوزيتسيا 1997 - جىلى اشىلعان ابايدىڭ «جيدەباي- ءبورىلى» مەملەكەتتىك تاريحي- مادەني جانە ادەبي- مەموريالدىق قورىق- مۋزەيىنىڭ ءبولىمى رەتىندە جۇمىسىن باستاپ وتىر. اتالعان قورىق- مۋزەيدىڭ عىلىمي جۇمىستار جونىندەگى ورىنباسارى مەيرامگۇل قايرامبايەۆانىڭ ايتۋىنشا، حاكىم اباي كەزىندە وسى ءۇيدى جەرلەسى ءارى شاكىرتى، الاش قوزعالىسىنا بەلسەنە قاتىسۋشىلاردىڭ ءبىرى ءانيار مولدابايەۆقا ساتىپ الۋعا كومەك بەرگەن.
سونىمەن بىرگە، اباي ءوزى سەمەيگە كەلگەن ساپارلارىندا وسى ۇيگە تۇسەتىن بولعان. ءانيار مولدابايەۆتىڭ ۇيىندە ۇلى اقىننىڭ بالالارى مەن تۋىستارى، كوكباي جاناتاي ۇلى مەن شاكارىم قۇدايبەردى ۇلى، الاش قايراتكەرلەرىنىڭ دە ءجيى بولعانى بەلگىلى.
بۇل ۇيدە احمەت بايتۇرسىن ۇلى ايەلى بادريسافامەن تۇرعان. سونىمەن قاتار، عۇلاما جازۋشى مۇحتار اۋەزوۆ ءوزىنىڭ مەكەنجايى رەتىندە وسى ءۇيدى قۇجاتتا كورسەتكەن.
«1944-1967 -جىلدارى بۇل عيماراتتا اباي مۋزەيى ورنالاستى. كەيىن بالالار كىتاپحاناسى جۇمىس ىستەدى. ۇلى ابايدىڭ ومىرىنە تىكەلەي قاتىستى تاريحي ورىن رەتىندە 1990 -جىلى عيمارات ۇلى اقىن مۋزەيىنىڭ تەڭگەرىمىنە بەرىلىپ، ابايدىڭ 150 جىلدىق مەرەيتويى قارساڭىندا 1992-1995 -جىلدارى ارالىعىندا مۋزەيدىڭ ۋاقىتشا ەكسپوزيتسياسى قونىس تەپتى.1997 -جىلى بۇل عيماراتتا تاۋەلسىز قازاقستاننىڭ تاريحىنداعى الاش تاريحىنا ارنالعان تۇڭعىش مۋزەي «الاش ارىستارى - مۇحتار اۋەزوۆ» مۇراجايى اشىلىپ، حالىققا قىزمەت كورسەتىپ كەلەدى»، - دەيدى مەيرامگۇل قايرامبايەۆا.
ديرەكتورىڭ ورىنباسارىنىڭ ايتۋىنا قاراعاندا، ۇستىمىزدەگى جىلدىڭ باسىندا عيماراتقا اعىمداعى جوندەۋ جۇمىستارى جۇرگىزىلگەننەن كەيىن مۋزەي زالدارىندا رەەكسپوزيتسيا جۇمىستارى جاسالعان. جاڭا ەكسپوزيتسيانىڭ تۇجىرىمداماسىن بەلگىلى الاشتانۋشى عالىمدار: ۇ ع ا اكادەميگى د. قامزابەك ۇلى جانە س. اققۇلى ۇلى دايىنداۋعا كومەكتەسكەن. وسى تۇجىرىمدامانىڭ نەگىزىندە تاقىرىپتىق- ەكپوزيتسيالىق جوسپار دايىندالدى. جاڭا ەكسپوزيتسيادا الاش قوزعالىسى تاريحىنىڭ 6 كەزەڭى تىڭ قۇجاتتار مەن دەرەكتەر نەگىزىندە وزگەشە قىرىنان كورسەتىلگەن.
«مۋزەي ەكسپوزيتسياسى كەڭەيىپ، عيماراتتىڭ بۇرىن بوس تۇرعان ءبىرىنشى قاباتىندا ⅩⅩ عاسىردىڭ باسىنداعى ءۇي ينتەرەرى جاسالدى. ەكىنشى قاباتتاعى ەكسپوزيتسيا ارنايى تاپسىرىسپەن جاسالعان ءا. بوكەيحان، ا. بايتۇرسىن ۇلى، م. دۋلاتوۆ، ش. قۇدايبەردى ۇلى، م. اۋەزوۆتىڭ مۇسىندەرىمەن تولىقتىرىلدى. ايگىلى بالاۋىز فيگۋرالار سياقتى بۇل مۇسىندەردى جاساۋدا سۋرەتشىلەر زامانعا ساي ماتەريالدار - كەراموپلاست جانە شىنىتالشىق قولداندى»، - دەيدى ول.
مۋزەيدىڭ اشىلۋ سالتاناتىنا وبلىس اكىمىنىڭ ءبىرىنشى ورىنباسارى ن. ساقتاعانوۆ قالا اكىمى ە. ءسالىموۆ، الاشتانۋشى عالىمدار، قالانىڭ زيالى قاۋىمى جانە ب ا ق وكىلدەرى قاتىسقان.
اۆتور: ايان بەكەن ۇلى
