14:18, 24 - قىركۇيەك 2017 | GMT +5
كاسىپقوي بوكستاعى العاشقى كەزدەسۋىندە جەڭىسكە جەتكەن بالاۋسا مۇزديمان ءوز اسەرىمەن ءبولىستى
استانا. قازاقپارات - كاسىپقوي بوكستاعى العاشقى كەزدەسۋىندە كەمري ماكسيدى جەڭگەن بالاۋسا مۇزديمان Qsport.kz پورتالىنا ءوز اسەرىمەن ءبولىستى.

ا ق ش- تىڭ مونرو قالاسىندا وتكىزگەن جەكپە- جەگىندە وتانداسىمىز قارسىلاسىن العاشقى راۋندتا- اق سوققىلارىنىڭ استىنا الىپ، جەكپە- جەكتى ۋاقىتىنان بۇرىن اياقتادى. «كاسىپقوي بوكستاعى العاشقى جەڭىسىمە وسىلاي جەتكەنىمە وتە قۋانىشتىمىن. امەريكالىق بوكسشى قىزدى وتە مىقتى دەپ ويلاعانمىن، الايدا ءبىرىنشى راۋندتا نوكداۋنعا تۇسكەننەن كەيىن، قارسىلاسىم جەكپە- جەكتى ارى قاراي جالعاستىرۋدان باس تارتتى. جەكپە- جەك امەريكادا بولعاندىقتان، قارسىلاسىم وڭايلىقپەن بەرىلەدى دەپ ويلامادىم. اللاعا شۇكىر، قازاق ەلىنە ءالى تالاي جەڭىستەر سىيلايمىن دەپ ويلايمىن»، - دەيدى بالاۋسا.
ايتا كەتەيىك، جاستار اراسىنداعى الەم چەمپيونى بالاۋسا مۇزديمان جاقىندا كاسىپقوي بوكسقا اۋىسقانىن حابارلاعان بولاتىن، بۇل وتانداسىمىزدىڭ كاسىپقوي بوكستاعى العاشقى جەكپە- جەگىندەگى جەڭىسى.