پرەزيدەنت سايلاۋىندا تەراكت جاساماق بولعان لاڭكەستەر ۇستالدى

استانا. قازاقپارات - قىرعىزستاندا ءى ءى م جانە م ۇ ق ك قىزمەتكەرلەرى حالىقارالىق تەرروريستىك ۇيىمنىڭ مۇشەلەرى دايىنداعان لاڭكەستىكتىڭ الدىن الدى.

بۇل تۋرالى قىرعىزستان ىشكى ىستەر مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى كابار.

قۇقىق قورعاۋ ورگاندارى تىيىم سالىنعان ەكسترەميستىك ۇيىمداردىڭ مۇشەسى سانالاتىن بەلگىسىز ادامداردىڭ قۇقىققا قايشى ارەكەتتەردى ويلاستىرىپ جاتقانى تۋرالى اقپارات العان.

كۇدىكتى تۇلعالار قىرعىزستان پرەزيدەنتىنىڭ سايلاۋىن وتكىزۋ جانە دايىندىق كەزىندە تەرراريستىك اكتى جاساۋ ارقىلى رەسپۋبليكاداعى قوعامدىق-ساياسي جاعدايدى كۇردەلەندىرمەك بولعان.

قىرعىزستان ءى ءى م جانە م ۇ ق ك قىزمەتكەرلەرى سوت سانكتسياسىنىڭ نەگىزىندە بىرلەسكەن جەدەل- تەرگەۋ ءىس-شارالارىن وتكىزگەن. شۋ وبلىسى توقماق قالاسىنىڭ بىرنەشە تۇرعىنىنىڭ ۇيىندە ءتىنتۋ جۇمىستارى جۇرگىزىلىپ، كوپ كولەمدەگى ەكسترەميستىك باعىتتاعى ءتۇرلى ادەبيەتتەر تابىلعان. سونداي-اق، زاڭسىز جارىلعىش زاتتاردى ساقتاۋ فاكتى انىقتالدى.

قۇقىق قورعاۋ ورگاندارى قىلمىس جاساعان ءۇش كۇدىكتىنى قولعا ءتۇىسىردى. ۇستالعانداردىڭ اراسىندا بۇرىن ادام ولتىرگەنى ءۇشىن سوتتالعان 1987-جىلعى ك. س.، 1985-جىلعى توقماق تۇرعىنى مەن 1977-جىلعى توقماق تۇرعىنى ي. ب. بار. بارلىق ۇستالعاندار ۋاقىتشا ۇستاۋ وقشاۋلاعىشىنا قامالدى. قاجەتتى ساراپتاما تاعايىندالدى. تەرگەۋ باستالدى.