پروكۋرورلار جۋرناليستەردى اشىق اڭگىمەگە شاقىردى

شاراعا وبلىستىق پروكۋراتۋرانىڭ باسقارما باستىعى ەربول ەشتايەۆ پەن وبلىستىق ىشكى ساياسات باسقارماسى باسشىسىنىڭ ورىنباسارى ماديار ءالىپوۆ قاتىسىپ، ب ا ق وكىلدەرى مەن بلوگەرلەردىڭ ساۋالدارىنا جاۋاپ بەردى.
ەلباسى ن. نازاربايەۆتىڭ «ۇلت جوسپارى - بەس ينستيتۋتسيونالدىق رەفورمانى جۇزەگە اسىرۋعا باعىتتالعان 100 ناقتى قادام» باعدارلاماسى اياسىندا ۇيىمداستىرىلعان باس قوسۋدا ەربول ەشتايەۆ پروكۋراتۋرا ورگاندارىنىڭ اشىقتىعى مەن قولجەتىمدىگىن ارتتىرۋ ماقساتىندا جاسالىپ جاتقان رەفورما جايلى بايانداپ ءوتتى.
«ب ا ق قىزمەتكەرلەرىن ەلدىڭ كوزى، قۇلاعى، بەت-بەينەسى دەۋگە بولادى. ويتكەنى مەملەكەتتە اتقارىلىپ جاتقان قۇقىقتىق رەفورمالار، بارلىق جۇمىستار حالىققا جۋرناليستەر ارقىلى جەتەدى. ەلىمىزدەگى پروكۋراتۋرا سالاسىندا دا كوپتەگەن وزگەرىس-جاڭالىقتار بولىپ، تىڭ جوبالار قولعا الىنىپ جاتىر. سوندىقتان وبلىس پروكۋراتۋراسى جۋرناليستەرمەن اشىق جانە جاريا تۇردە جۇمىس جاساۋعا اركەز دايىن. قازىرگىدەي كەزەڭدە ءار اقپاراتتىڭ قولجەتىمدى بولۋى ماڭىزدى»، - دەدى وبلىستىق پروكۋراتۋرانىڭ باسقارما باستىعى.
جيىن بارىسىندا ماديار باقتىباي ۇلى دا بۇل كەزدەسۋدىڭ نەگىزگى ماقساتى ساۋاتتى، قۇقىقتىق قوعام قۇرۋ ەكەنىن مالىمدەدى. تاراپتار پىكىر الماسۋ كەزدەسۋلەردى الداعى ۋاقىتتا دا ۇيىمداستىرىپ تۇرۋعا ۋاعدالاستى.