لاتىن الىپبيىنە كوشۋدە قاتەلەسۋگە قۇقىعىمىز جوق - قاسىم-جومارت توقايەۆ
مۇنداي پىكىردى بۇگىن ق ر پارلامەنتى سەناتىندا ءوتىپ جاتقان «ورتا ءبىلىم بەرۋ جۇيەسىنىڭ جاي-كۇيى، پروبلەمالارى جانە زاڭنامالىق رەتتەۋ پەرسپەكتيۆالار» تاقىرىبىنا ارنالعان پارلامەنتتىك تىڭداۋ بارىسىندا سەنات ءتوراعاسى قاسىم-جومارت توقايەۆ ايتتى، دەپ حابارلايدى قازاقپارات.
«ءبىز ستراتەگيالىق ماڭىزدى مىندەتتى ورىنداۋىمىز قاجەت. ياعني لاتىن الىپبيىنە كوشۋگە ءتيىسپىز. مەملەكەت باسشىسى اتاپ وتكەندەي، قازاق ءتىلىن لاتىنعا كوشىرۋ - بۇل عىلىم مەن ءبىلىمنىڭ جاھاندىق جۇيەسىنە ينتەگراتسيالانۋعا جاسالعان قادام، ءبىزدىڭ رۋحاني بىرلىگىمىزدىڭ قامتاماسىز ەتىلۋى»، - دەدى سەنات ءتوراعاسى.
ول قازاق ءتىلىن لاتىن الىپبيىنە كوشىرۋ ماسەلەسىن ءسوزبۇيداعا سالۋعا بولمايتىندىعىن اتاپ ءوتتى.
سونىمەن قاتار بۇل جۇمىستاردى بارلىعىن ويلاستىرا وتىرىپ، بىرتىندەپ، كۇرت سەرپىلىسسىز جۇرگىزۋ قاجەتتىگىن ەسكەرتتى.
«دەگەنمەن، ونى سوزا بەرۋ ءمانسىز. ءبىزدىڭ قاتەلەسۋگە قۇقىعىمىز جوق»، - دەدى قاسىم- جومارت توقايەۆ.
اۆتور: مارلان جيەمباي
